TSX-V: nan $0,19 -$0,01 -5% Volume: 9.020 October 26, 2020

Navigation

North American Nickel Inc.-ip Ingerlatseqatigiiffiup 7,05 mCAD-inik namminersortunit ingerlanneqartumik aningasanik nuussinerata immikkoortua siulleq matuaa

April 22, 2013

Vancouver, British Columbia - (Marketwired – 22. april 2013) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffiup") matumuuna nalunaarutigaa, Ingerlatseqatigiiffiup aningaasanik nuussinerup namminersortunit ingerlanneqartup siusinnerusukkut nalunaarutigisami (takuuk NAN-ip 17. april 2013 nalunaarutaa) immikkoortua siulleq ullumi matugaa. Ilanngaasiinnginnermi iluanaarutit CAD 4.458.345-iusut aktiaatit 26.225.561-it tunineqarneranni pissarsiarineqarput.

Aktiaatit ataasiakkaat tamarmik tassaapput aktia nalinginnaasoq ataaseq aamma aktianik nalinginnaasunik pisinissamut salliusussaatitaanerup affaa. Salliusussaatitaanerit iluitsut tamarmik aktiamik nalinginnaasumik ataatsimik aktia ataaseq CAD 0,21-inik akeqartillugu, 22. april 2015 tikillugu atorneqarsinnaasumik pisisinnaatitaaffiliisarput. Nassaarnermut akissarsiassaq CAD 62.009,50-iusoq namminersortunit ingerlanneqartumik aningaasanik nuussinermut atatillugu aningaasanngorlugit akilerneqarput.

Pappiaqqat nalillit tamarmik, namminersortunit ingerlanneqartumik aningaasanik nuussineq naapertorlugu tunniunneqartut, piffissami aalajangersimasumi uninngatinneqartussaapput aammalu aktiat 15.931.149-it 20. august 2013 tikillugu, aamma aktiat 10.294.412-it ulloq 23. august 2013 tikillugu niuerutigeqqusaanatik.

Ulloq 17. april 2013 nalunaarutigineqartutut aammalu Multilateralt Instrument 61-101, "aningaasanik nuussinerni immikkuullarissuni aktiaatilinnik ikinnerussuteqartunik illersuineq" naapertorlugu, Sentient Group-imit aamma VMS Ventures-imit CAD 2.595.752,27-inik iluanaaruteqarfiusumik matusineq suli alla ulloq 13. juni 2013 missaani pissasoq naatsorsuutigineqarpoq. Aningaasat taakkua maannakkorpiaq uninngatinneqarput tiguneqarsinnaanatik aammalu Ingerlatseqatigiiffimmi aktiaatillit allat nalinginnaasumik aamma immikkut ataatsimeersuarnermi ulloq pineqartoq taanna matusinissamik akuersissuteqarnissaq nalunaarutigippassuk, Ingerlatseqatigiiffimmut tunniunneqassallutik.

Aningaasalersuinermit taassuminnga iluanaarutit, Kalaallit Nunaata kujataata kitaani Maniitsumi Ni-Cu-Co-PGE-nut suliassamut suliaqarfissami pilersaarusiorfigiuminartumi, Ingerlatseqatigiiffiup 2013-imi aatsitassarsiorluni misissuinissamut aamma qillerinissamut pilersaarutaata ingerlannissaanut aammalu nalinginnaasumik ingerlatsinermi aningaasaatini siunertanut atorneqassapput.

Ingerlatseqatigiiffiup aamma nalunaarutigaa Ingerlatseqatigiiffiup Siulersuisuini siunnersuisartuusuni ilaasortanut aktiaatinik 200.000-inik pisinissamut salliusussaatitaanerit, piffissami ukiut tallimat ingerlaneranni aktia ataaseq CAD 0,15-inik akeqartillugu atorneqarsinnaasumik, tunniussisimalluni.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip 27,5% missaa pigisaraa.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik >70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Pilersuisinnaasunik marlunnik aatsitassannguunnernik Imiak Hill aamma Spotty Hill eqqaani nassaarneq uppernarsivaa GNB nalitunera aamma isumalluarnarnera.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Rick Mark
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4