TSX-V: nan $0,20 -$0,01 -4,76% Volume: 4.062 October 20, 2020

Navigation

North American Nickel Kalaallit Nunaanni aamma Danmarkimi Dr. Tony Naldrett-ip aatsitassarsiorluni misissuineq aamma aatsitassarsiorfimmik ingerlatsineq pillugit oqalugiaqattaarneranut qaaqqusisuuvoq

September 3, 2013

Vancouver, British Columbia - (Marketwired – 3. september 2013) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108).

("Ingerlatseqatigiiffik") matumuuna nalunaarutigaa Kalaallit Nunaanni Nuummi aamma Københavnimi oqalugiarnernik aatsitassarsiorluni misissuinermut aamma aatsitassarsiorfimmik ingerlatsinermut tunngasunik arlalinnik Ingerlatseqatigiiffiup aaqqissuussimagai. Ateq pingaarneq, Dr. Tony Naldrett, nikkel-sulfid-inik aatsitassannguussimasunut immikkut ilisimasalittut nunani tamalaani ataqqisaavoq. Oqalugiaqattaarnerit, NAN-ip 100%-imik pigineqartumi Maniitsumi nikkelinut-kanngussannut-koboltinut-platin-eqatigiinnut kisermaassisussaatitaalluni suliassaanut atatillugu Ingerlatseqatigiiffiup najukkami avatangiisini suliniarneranut ilaatillugu, ulloq 18. september aamma 20. september 2013 pissapput.

Tony allaaserisani 240-init amerlanerusuni aammalu atuakkani 8-ini atuakkiortuuvoq imaluunniit atuakkioqataalluni, aammalu nunarsuaq tamaat sulfid-inik peqarfiit qaqqamit anitsisartuneersut nikkelit, kanngussaat aamma platin-eqatigiit sammillugit M.Sc.-inut 15-inut, Ph.D.-inngorniarlutik ilinniartunut 16-inut aamma postdocs-inut 15-inut ilitsersuisuusimalluni. 1967-1998-imi University of Toronto-mi ujarassiornermi professoriuvoq, aammalu suliffimmi qaffakkiartorsimanera nersugassaalluinnartoq uani eqikkarneqarpoq:

Tony oqarpoq "Kalaallit Nunaata kitaata, Ikersuaq Davis-ip aamma Labradorip Imartaata illuatungaani Canadami nunap sannaa assigaa. Canadap ilaa taanna nikkel sulfid-inik peqarfittut ilisimaneqarpoq, soorlu Raglan aamma Voiseys´ Bay, aammalu Kalaallit Nunaaniittortaani taamaattunik peqarfeqarnissaata naatsorsuutiginissaa pissusissamisoorpoq. Canadami peqarfiit sumiiffii marluusut taakkua najukkami innuttaasunut suliffissarpassuarnik iluaqutaasimapput, aammalu Kalaallit Nunaanni peqarfiit assigusut, Kalaallit Nunaata aningaasaqarneranut annertoorujussuarmik sunniuteqartussaapput."

Oqalugiartussat allat De Nationale Geologiske Undersøgelser for Danmark og Grønland-imeersut, ilinniagartuuneersut aammalu Kalaallit Nunaanni aatsitassarsiorluni misissuinermik suliaqartut, tamarmik Kalaallit Nunaanni nunap sannaanut taassumalu aatsitassarsiorfissatut periarfissaqarfiuneranut annertoorujussuarmik ilisimasaqartuupput. Oqalugiarnerit North American Nickel-imit, VMS Ventures-imit aamma Sentient Group-imit, Condor Consulting Inc.-imit, Westcore Drilling-imit, Xploration Services Greenland-imit; aamma ALS Laboratories-imit aningaasalersorneqarput, Kalaallit Nunaanni naalakkersuisut politikkiat, aammalu inuusuttut ilinniagaqarnissaannut najukkami annertoorujussuarmik tapersersuineq, apeqqutaavoq nunami namminermi pingaartinneqartoq tulluusimaarutigineqartorlu. Taamatut oqalugiarnerni siunertaavoq maannakkut ilinniartuusut aammalu kinguaariit tulliini ilinniartuusussat akornanni, kiisalu innuttaasut inuussutissarsiorsinnaassuseqartut aatsitassarsiornermik suliffissuaqarnermi suliffissanut periarfissarpassuit sivisuumik atuuttussat pillugit soqutiginnitsitsilernissaq, tassanilu ilaapput teknikkikkut, allaffissornikkut aamma aningaasalersuinikkut suliassat, ilaallutik aatsitassarsiorfimmi suliffissat nalinginnaanerusut aatsitassarsiorluni misissuinerpiamut ingerlatsinerpiamullu attuumassuteqartut.

Piffissami ungasinnerusumi, aammalu aatsitassarsiorluni misissuinermi iluatsitsilluarnermi, North American Nickel-ip Maniitsumi nikkelsulfid-inut suliassaani sulisussat ilinniarluarsimasut, annertunerusumik nunaqavissuneersuusariaqartut kiisalu Europa-meersuusariaqartut aammalu nunarsuarmi sumiffinni allaneersuusariaqartut, pisariaqartinneqartussaapput. Oqalugiaqattaarnerit suliap ingerlanerani najukkami nunanilu tamalaani ilinniartunik Kalaallit Nunaanni aatsitassarsiornermik suliffissuaqarnermut pilerilersitsisussami alloriarnerni siullersaapput. Dr. Mark Fedikow, North American Nickel-ip Pisortaa, Kalaallit Nunaanni Ingerlatseqatigiiffiup suliniuteqarneranut akisussaasuuvoq.

Kalaallit Nunaanni saqqummiussinerit Nuummi ilinniarnertuunngorniarfimmi ilinniartunut kiisalu ARTEK-imi, Sisimiuni Issittumi Teknologiimut sullissivimmi, ilinniartunut sammitinneqassapput aammalu Tony Naldrett-imit aamma North American Nickel-ip ujarassiuunut pisortaannit John Pattison-imit ingerlanneqassallutik. Danmarkimi oqalugiaqattaarnerit Danmarkimi Københavns Universitet-ip ataani GeoCenterimi saqqummiunneqassapput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip 27,5% missaa pigisaraa.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 5.106km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik >75 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

SIULERSUISUT SINNERLUGIT

Rick Mark, CEO aamma Siulersuisuni ilaasortaq

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Evan Sleeman
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4