TSX-V: nan $0,20 -$0,01 -4,76% Volume: 4.062 October 20, 2020

Navigation

North American Nickel Kalaallit Nunaata kujataata kitaani Maniitsumi Ni-Cu-Co & PGE sulfid-inut suliassami sumiiffinnik pisinnaatitsissuteqarfinnik annertunerusunik tunineqarpoq

July 15, 2013

Vancouver, British Columbia - (Marketwired – 15. juli 2013) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffik") matumuuna nalunaarutigaa, aatsitassarsiorluni misissuinissamut akuersissutip 2012/28-ip 123 kvadratkilometerinik annertusinissaanik qinnuteqaat akuerineqarsimasoq, Ingerlatseqatigiiffik Kalaallit Nunaanni Aatsitassanut Ikummatissanullu Pisortaqarfimmit ilisimatinneqartoq. Kalaallit Nunaanni Namminersorlutik Oqartussanit pisinnaatitsissummut isumaqatigiissut nutaaq piffissap qanittup iluani tiguneqassasoq naatsorsuutigineqarpoq. Annertusititsinerup suliassamut tunngatillugu nunaminertaq ataatsimut katillugu 5.106 kvadratkilometerinngortissavaa.

Pisinnaatitsissut 2012/28 pisinnaatitsissutit ataqatigiissut marluk Maniitsumi suliassamut tunngasut aapparaat, aammalu annertusititsinermi aatsitassarsiorluni misissuiffissat arfinillit ilaapput, taakkualu 2013-imi aatsitassarsiorluni misissuinermut nunap assingani, nittartakkatsinni www.northamericannickel.com nassaarineqarsinnaasumi aappaluttumik titartarsimapput. Aatsitassarsiorluni misissuiffissat ingerlatseqatigiiffiup maannakkut pigisaannut ataqatigiissumik inissisimapput, aammalu suliassap sumiiffiani, qanittoq tikillugu ingerlatseqatigiiffimmit aatsitassarsiorluni misissuisartumit pigineqartumi diamantinik aallussiviusumi, putunik immersuillutik. Aatsitassarsiorluni misissuiffissat ilai arlallit norit-inik ersiinnartunik ilaqarput, taannalu ujaqqap suussusaa amerlanertigut Maniitsup eqqaani nikkelinik aamma kanngussannik-sulfid-inik aatsitassannguussimasunut atasuusarpoq. Aatsitassarsiorluni misissuiffissat ilai arlallit aamma kimberlit-inik ersiinnartunik akoqarput.

NAN CEO, Rick Mark, oqarpoq: "Sumiiffiup nutaap taassuma tunniunneqarnerani North American Nickel-ip maannakkut Kalaallit Nunaanni Norit Bæltep suliaqarfissami pilersaarusiorfigiuminarluinnartup 90%-ia sinnerlugu nakkutigisarilerpaa. Ingerlatseqatigiiffik suliassami sulisoqarpoq aammalu diamantimik qilleruteqarluni, aammalu norit bælte tamaat qillerinikkut misileraanissamut siunnerfeqarluni."

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip 27,5% missaa pigisaraa.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik >75 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Rick Mark
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4