TSX-V: nan $0,20 -$0,01 -4,76% Volume: 4.062 October 20, 2020

Navigation

North American Nickel-ip Kalaallit Nunaata kujataata kitaani Maniitsumi Imiak Hill-imi manngivinngitsunik manngertunillu sulfid-inik aatsitassannguussimasut annertusivai

September 5, 2013

Vancouver, British Columbia - (Marketwired – 5. september 2013) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffik") matumuuna nalunaarutigaa Imiak Hill-imi diamantimik qillerlugu putuliami MQ-13-028-imi sumiiffik 24,75 meterinik annertussuseqartoq ujaqqami noritiske-usumi manngivinngitsunik-manngertunik sulfid-inik aatsitassannguussimasut agguaqatigiissillugu 35 - 40%-it missaanni sulfiditaqartut qupineqarput. Kalaallit Nunaata kujataata kitaani Maniitsumi kisermaassisussaatitaalluni nikkelinut-kanngussannut-koboltinut & PGM-inut suliassamiippoq Kalaallit Nunaanni Norit Bælte (GNB) 70 kilometerisut takissuseqartoq aammalu 100%-imik North American Nickel-imit pigineqarluni.

MQ-13-028-imi qupisinerit ukioq manna Imiak Hill-imi sulfid-inik qupisinernit pingaarnernit sisamanit itinersaapput, aammalu Sumiiffimmi 30-imi manngivinngitsunit manngersunut annertuunik sulfid-inik aatsitassannguussimasut annertusitillugit ~ putuliaq MQ-12-026-imut sanilliullugu 35 meterinik appasinnerulluni ataatsimut katillugu napparissumik 185 meterinik itissuseqarluni. (Takukkit ilusiliat 1, 2 aamma 3). aatsitassannguussimanera itissutsimi ammaannarpoq.

MQ-12-028-imi sulfid-it norit-inik aatsitassannguussimasunik akuttussutsini marlunni akoqarput. Siulleq 17.91 meterisut takissuseqarpoq agguaqatigiissillugu 40-45%-inik sulfid-itaqarluni aammalu aappaa 2,40 meterisut takissuseqarpoq aammalu 50-60%-inik sulfid-inik akoqarluni. Akuttussutsit marluk taakkua leucogabbro-nik 4,44 meterisut takissusilinnik immikkoortinneqarsimapput. Qupisineq tamarmi takussutissiami matuma kingulianiittumi eqikkaavigineqarpoq.

Uuminnga (m) Uunga (m) Takissusaa (m) Nassuiaat
182.09 183.59 1.50 Norit, aatsitassannguulluarsimasoq sulfid tamakkiisut 60-70%-iat
183.59 187.85 4.26 Norit, aatsitassannguussimasut sulfid tamakkiisut 25-30%-iat
187.85 190.87 3.02 Norit, aatsitassannguulluarsimasoq sulfid tamakkiisut 65-75%-iat
190.87 192.07 1.20 Norit, aatsitassannguulluarsimasoq sulfid tamakkiisut 40-50%-iat
192.07 193.80 1.73 Norit, aatsitassannguulluarsimasoq sulfid tamakkiisut 60-70%-iat
193.80 195.14 1.34 Norit sakkkukitsut sulfid tamakkiisut 1%-iat
195.14 200.00 4.86 Norit, aatsitassannguulluarsimasoq sulfid tamakkiisut 40-50%-iat
200.00 204.44 4.44 Leucogabbro
204.44 206.84 2.40 Norit, aatsitassannguulluarsimasoq sulfid tamakkiisut 50-60%-iat

Malugiuk: Sulfid-inik missiliuinerit takuneqarsinnaasut aamma tusagassiuutitigut nalunaarummi matumani nassuiaatit, saffiugassat akuusut akuissusaannik naatsorsuinermut atorneqarsinnaanngillat, tamannalu taamaallaat misissueqqissaarnerni aalajangerneqarsinnaavoq. Aatsitassat procentinngorneri oqimaassusaannuunngitsoq akoqassusaannut tunngatinneqarput.

MQ-13-028 nalinginnaasuunngitsut sakkortuumik innaaqqissorujussuullutik inissisimasut diamantimik qillerlugu putuliap MQ-13-026-ip ataatigoorlutik isorartussuseqartut, aammalu Imiak Hill-imi sumiiffiup 30-it iluani norit-inik aatsitassannguussimasunik 18,62 meterinik agguaqatigiissillugu sulfid-it tamakkiisut 40 - 45%-iinik akoqartut (Sumiiffik 30 aammalu siuliani qupisinerit pingasut pillugit sukumiinerusumik paasisaqarusunnermi takuuk NAN-ip Aggustimi tusagassiuutitigut nalunaarutaa ullut 13. aamma 23. aggustimeersut) misileraavigineqarnissaat siunertaralugu qillerneqarpoq.

MQ-13-028 EM (BHEM) atorlugu pingasunik atortulimmik qillerlugu putuliornermi misissorneqarpoq, aammalu aatsitassannguussimasut taakkua aamma nalinginnaasuunngitsunik sakkortuumik innaaqqissumik inissisimasunik paasisaqarfigineqarput. Crone Geophysics-ip aamma Exploration Ltd.-ip, nalinginnaasuunngitsoq Imiak Hill-imi ammukariartornerata sammivia sinerlugu itinerusumik ingerlaqqittoq nassuiarpaat. Qillerummit qaqitat MQ-13-028-imeersut immiunneqarput, affakkaarlugit pilattorneqarlutik aammalu Sverige-mi ALS Chemex-imut misissoqqissaarneqartussanngorlugit nassiunneqarlutik.

NAN-imi CEO, Rick Mark, oqarpoq: "Imiak Hill-imi manngivinngitsunit manngertunut sulfid-it aatsitassannguussimasut ukioq manna nassaarisavut ingerlaannarmata naammagisimaartorujussuuarput. Aatsitassannguussimasut maannakkut nunap qaavanut qanittumit 185 meterinit itinerusumut qupineqarput, aammalu qillerlugu putuliami misissuinitta oqaluttuuppaatigut taanna ammuinnaq ammaannartoq. Tamanna nikkeleqarfinnut ilusiliamut malitatsinnut tulluarpoq. Ingerlatseqatigiiffiup teknikkimi suleqatigiivi, COO-mit Neil Richardson-imit, Ujarassiuut pisortaannit John Pattison-imit aamma suliniummut aqutsisumit James Sparling-imit aqunneqartut, aktiaateqartuutitsinnut paasisanik tunniussisarneq ingerlatiinnarpaat."

Tusagassiuutitigut nalunaarutini ullut 13. aamma 23. aggustimeersuni nassuiarneqartutut, NAN-ip maannakkut Imiak Hill-imi sumiiffiit aatsitassartaqartut pingasut, imminnut qanittut, avannamuinnartut, innaaqqissumik kujammuinnaq uingasut killissalersorpaat. Kangianiit kitaanut sumiiffiit ilusiliaq 1-imi aammalu 3D-imik ilusiliaq 2-imi takutinneqartutut maannakkuugallartut taaguuserneqarput 10, 20 aamma 30. MQ-13-028-imi aatsitassannguussimasut, sulfid-it qupineqartut allat pingasut 2013-imi Imiak-mi qillerneqartut assigalugit, sumiiffimmut 30-imut naapertuupput. Imiak Hill-imi ikiarnerit katiterneri ulloq manna tikillugu qupineqartut tamarmik inissisimaffiinik takutitsisoq ilusiliaq 3-imi ilaavoq.

2013-imi asimi suliaqarnermi pisussanut pilersaarutip juunip naalernerani aallartinneraniilli NAN Maniitsup eqqaani putulianik 22-inik katillugit 3.711 meterinik qillerivoq. Qillerut maannakkut, piffissap suliaqarfiusup sinnerani elektromagnetiskimik misissuinermit nalinginnaasuunngitsut qaffasissumik pingaartinneqartut, norit-inut akuliussimasut allat misilerarniarlugit, Imiak Hill-imit nuunneqarpoq.

Ingerlatseqatigiiffiup Imiak-imi qillerlugit putuliaannut tamaginnut qillerlugu putuliat nunap assingani sumiiffii takussutissiami matuma kingulianiittumi allassimapput.

Putuliaq

Normu
Kangimut

(m)*
Avannamut

(m)*
Portussuseq
sammivia
(moh)
Qillerinerup

(grader)
AMMUINNARNERA

(grader)
Takissuseq

(m)
MQ-12-001 477455 7257225 546 275 -45 106.07
MQ-12-002 477455 7257225 546 275 -70 173.12
MQ-12-003 477485 7257186 543 275 -73 292
MQ-12-004 477459 7257260 540 275 -45 95.4
MQ-13-019 477484 7257189 546 275 -55 176
MQ-13-020 477490 7257141 532 275 -62 209
MQ-13-023 477484 7257215 547 275 -59 188
MQ-13-024 477497 7257174 547 275 -59 197
MQ-13-025 477482 7257238 538 269 -45 122
MQ-13-026 477490 7257141 532 295 -65 215
MQ-13-028 477507 7257144 535 278 -67 287

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip 27,5% missaa pigisaraa.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 5.106km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik >75 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

SIULERSUISUT SINNERLUGIT

Neil Richardson, COO, North American Nickel Inc.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Ilusilersukkat 1-5 takuniarukkit uunga iserit: http://media3.marketwire.com/docs/nan0912figs1to5.pdf.

Attaveqarfissamut paasissutissat:
North American Nickel Inc.
Evan Sleeman
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4