TSX-V: nan $0,21 +$0,02 +7,69% Volume: 129.900 November 24, 2020

Navigation

North American Nickel-ip Kalaallit Nunaata kujataata kitaani Maniitsumi Ni-Cu-Co & PGE sulfid-inut suliassaani qillerinerit aallartinneqarput

June 24, 2013

Vancouver, British Columbia - (Marketwired – 24. juni 2013) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffik") matumuuna nalunaarutigaa Ingerlatseqatigiiffiup 100% ejede Maniitsumi kisermaassisussaatitaalluni suliassaani 100%-imik pigineqartumi qillerummit qaqitassanik qillerinerit aallartittut. Minnerpaamik 3.000 meterit pilersaarutigineqarput, aammalu qillerinerni VTEM elektromagnetiskimik (EM) misissuinermi nalinginnaasuunngitsut Kalaallit Nunaanni Norit Bælte-p 70 km-isut takissuseqartup iluani paasineqartut qaffasissumik pingaartinneqartut misilerarneqarnissaat, kiisalu Imiak Hill aamma Spotty Hill eqqaanni nickel sulfide-it qaffasissumik akuissuseqartut amerlasoorpassuit ukioq kingulleq NAN-imit toraarneqartut malitseqartinneqarnissaat, aallunneqassapput.

NAN-imi CEO Rick Mark oqarpoq: "Asimi suleqatigiittussat tamakkiisut maannakkut Kalaallit Nunaanniilerput, aammalu qulimiguulimmik aallaaveqartumik asimi suliaqarnissaq, ilanngullugu pilattuilluni misissugassanik tigusisarnissaq aamma nunap qaavani nalinginnaasuunngitsunik uppernassusersiiniarnissaq, tikinneqassapput. Qillerinermi suleqatigiittussat aamma suliaqarnertik aallartippaat, aammalu qulimiguulimmik allamik taperserneqarlutik. Pilersaarut eqaatsumik aaqqitaavoq, taamaalilluni sumiiffinni ujarassiuunit soqutiginaateqartinneqartuni qillerisinnaassalluta. COO Neil Richardson suleqatigiinnut pisortaavoq. Maniitsumiit qillerummit qaqitanik misissugassanik sapaatit akunnikkaartumik nassiussisarnissaq pilersaarutigaarput. Aasaq tamatsinnut pissaganartorujussuuvoq."

Qillerinerit Westcore Drilling Ltd.-imit qulimiguulimmik aallaveqartumik qillerummik ingerlanneqassapput. Qillerlugu putuliani sajukulaartitsilluni EM (BHEM) periaaseq, Crone Geophysics & Exploration Ltd.-imit pissarsiarineqartoq taassuminngalu passunneqartoq, sumiiffimmiippoq. Naatsorsuutigineqarpoq putuliat amerlanersai periaaseq BHEM atorlugu misissorneqassasut, tamatumalu putuliani ujarlerfissaq annertusitissavaa, taamaalilluni ujarassiuut putulianik malitseqartitsiviusussanik eqqornerusumik siunnerfilersorsinnaassallutik. Periaaseq aamma EM nalinginnaasuunngitsoq qillerinissaq sioqqullugu sukumiinerusumik uuttortartariaqassappat, nunap qaavani uuttortaanernut atorneqarsinnaavoq.

Aasaanera tamaat asimi suleqatigiit nunap qaavani VTEM nalinginnaasuunngitsunut nunap assiliussapput, misissugassanik tigusissallutik, suliaqarfissami pilersaarusiussallutik aammalu nalilersuissallutik. VTEM qulimiguulimmik Time-Domain EM atorlugu 660 linje-km missaanni uuttortaanissaq piffissap suliaqarfiusup ingerlanerani kingusinnerusumi pilersaarutaavoq. Misissuineq Geotech Ltd.-imit timmisartuussiviussaaq, aammalu norit bælte avataani sumiiffiit soqutiginaateqartut arlallit ilaatinneqassallutik.

2012-imi Imiak aamma Spotty Hill-imi qupineqartut pillugit paasissutissat annertunerusut NAN-ip tusagassiuutitigut nalunaarutaani ulloq 15. januar 2013 ullulerneqartumi takuneqarsinnaapput. Ukioq manna qillerinernut siunnerfinnut pingaarnersiorneqartunut takussutissiaq NAN-ip tusagassiuutitigut nalunaarutaani 20. marts, 2013 ullulerneqartumi saqqummiunneqarpoq.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip 27,5% missaa pigisaraa.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik >75 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

SIULERSUISUT SINNERLUGIT

Dr. Mark Fedikow HBSc., M.Sc., Ph.D., P.Eng., P.Geo., C.P.G, Pisortaq

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Rick Mark
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4