TSX-V: nan $0,23 +$0,00 +0% Volume: 3.500 November 27, 2020

Navigation

North American Nickel-ip nalunaarutigaa Ingerlatseqatigiiffiup 2013-imi Maniitsumi (Kalaallit Nunaat) aatsitassarsiorluni misissuinermi pisussanut pilersaarutaani James Sparling suliassamut aqutsisussatut aammalu Johan Krebs qillerinermi ujarassiuutut toqqarneqartut

June 3, 2013

Vancouver, British Columbia - (Marketwired – 3. juni 2013) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffik") matumuuna nalunaarutigaa Maniitsumi kisermaassisussaatitaalluni suliassani 100%-imik pigineqartumi 2013-imi aasaanerani ingerlatseqatigiiffiup aatsitassarsiorluni misissuinermut pisussanut pilersaarutaani Mr. James (Jim) E. Sparling, P. Geo., suliassami aqutsisussatut, aamma Mr. Johan D. Krebs, P. Geo., qillerinermi ujarassiuutut toqqarneqartut. Pisussanut pilersaarut 2013-imi juunimi aallartittussatut pilersaarutigineqarpoq.

North American Nickel-imi COO Neil Richardson oqarpoq: "Jim aamma Johan Kalaallit Nunaanni Maniitsup eqqaani 2013-imi aatsitassarsiorluni misissuinermi pisussanut pilersaarutitsinni ujarassiuunut suleqatigiinnut ilaalernerat nuannaarutigaarput. Taakkua marluk siusinnerusukkut uanga suleqatigisimavakka, aammalu aasaq manna pisussanut pilersaarummi annertunerujussuarmi pisariunerujussuusumilu ikiortissatut NAN-ip siulersuisuinut inassutigisimallugit. Jim suleqatigiinnut aqutsillaqqinnini aammalu geofysiskinik ilisimasaqarnerminik eqqussivoq, Johan Kalaallit Nunaannit aammalu qillerinermi pisussanut pilersaarutinit annertoorujussuarmik misilittagaqarluni, taakkualu ukioq manna qillerinerit annertunerujussuit pilersaarusiornissaannut ingerlannissaannullu ikiussavaatigut. Taakkua marluullutik atituumik misilittagaqarnerminni tunngavigisaasa sumiiffimmi NAN-ip teknikkikkut sulisuinik nukittorsaassapput."

Jim Sparling University of Saskatchewan-imi (B.Sc. Geologi - Advanced, 1984) aamma Royal Roads University School of Business-imi (MBA, 2003) ilinniarsimavoq.

Association of Professional Engineers and Geoscientists of Manitoba, Saskatchewan and British Columbia-imi ilaasortaavoq. Jim aatsitassanik nalinginnaasunik aamma kuultisiorluni misissunermik patajaatsumik misilittagaqarpoq, ilanngullugu nikkeleqarfiit komatiit intrusions-inut atasut. Før han kom til North American Nickel-imut pinnginnermini, Vancouver-imi aallaaveqartuni suliffeqarfinni isumalluutinik inerisaanermik suliaqartuni arlalinni 2003-imiit 2012-imut qaffasissumik aqutsisutut inissisimalluni assigiinngitsunik suliffeqartarsimavoq. 1. juni 1994-imi 1. juunimiit 2003-imi 1. apriilimut HudBay Minerals Inc.-imi Suliniummut ujarassiuutut, Geofysiskinut pisortatut aamma Aatsitassarsiorluni misissuinermi ujarassiuunertut sulivoq.

Johan Krebs Københavns Universitet-imi aningaasaqarnermi ujarassiuutut M.Sc. angusaralugu soraarummeerpoq.

Johan ilinniareernermi kingorna Kalaallit Nunaanni suliassani amerlasoorpassuarni De Nationale Geologiske Undersøgelser for Danmark og Grønland-imi sulivoq, aammalu kingusinnerusukkut Halo Resources Inc.-imi Manitoba aamma Flin Flon-imi - Snow Lake grønstensbælte-mi HudBay Minerals Inc.-imi. Aningaasaqarnikkut aatsitassanik peqarfiit assigiinngitsunik ilusillit pillugit annertuumik ilisimasaqarnini eqquppaa, aammalu qillerinermi aamma asimi suliaqarfissami pisussanut pilersaarutini aqutsisartutut annertuumik misilittagaqarluni. Association of Professional Engineers and Geoscientists of Manitoba-mi ilaasortaavoq.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip 27,5% missaa pigisaraa.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik >70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Pilersuisinnaasunik marlunnik aatsitassannguunnernik Imiak Hill aamma Spotty Hill eqqaani nassaarneq uppernarsivaa GNB nalitunera aamma isumalluarnarnera.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Rick Mark
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4