TSX-V: nan $0,23 +$0,01 +4,65% Volume: 1.500 November 26, 2020

Navigation

North American Nickel-ip nalunaarutigaa Sentient Group-ip aktianut salliusussaatitaanini atoraa

October 2, 2013

Vancouver, British Columbia - (Marketwired – 2. oktober 2013) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffik") matumuuna nalunaarutigaa Sentient Group-ip ("Sentient") North American Nickel Inc.-imi ("NAN") aktianik nalinginnaasunik 18.276.199-inik aktianik pisinissamut salliusussaatitaanini ("NAN-imi aktianik pisinissamut salliusussaatitaanerit") aktia ataaseq CAD 0,21-inik akeqartillugu, ataatsimut katillugu CAD 3.838.001,79 tikillugit ilanngaasiinnginnermi iluanaaruteqarfiusumik, atoraa, tamannalu NAN-imi aktiat ("NAN-imi aktiaatit") pisiarineqanngitsut 14,96%-iata missaannik annertussuseqarpoq.

NAN-imi salliusussaatitaanernik atuineq eqqarsaatigalugu, Sentient maannakkut NAN-imi aktiaatinik 54.828.598-init amerlanerusunik pigisaqalerpoq, taakkualu NAN-imi aktiaatit tunineqartut 140.456.084-it 39,04%-iata missaannik annertussuseqarput. NAN-imi aktiaatit nalinginnaasut tunineqartut aamma tunineqanngitsut 148.464.084-iupput. Aningaasanik nuussinerup taassuma kingorna NAN 7,5 mio CAD-inik aningaasanik tigoriaannarnik peqalissaaq.

Rick Mark, North American Nickel-imut pisortaaneq oqarpoq: "Periusissatigut suleqatitta Sentient Group-ip ullumi salliusussaatitaanitik tamaasa atorniarlugit aalajangersimammat nuannaarutigisorujussuuarput. Ingerlatseqatigiiffimmi aammalu Kalaallit Nunaata kujataata kitaani Maniitsumi Ni-Cu-Co-PGM-inut kisermaassisussaatitaalluta suliassatsinni 100%-imik pigisatsinni suleqataajumanerat ersarippoq. Taakkua ulluinnarni aqutsinermik suliaqartuupput, aammalu Maniitsumi suliassami pilersaarusiornermi piviusunngortitsinermilu nunarsuarmi misilittakkaminnik isiginninnerminnillu iluaqusiissallutik. "

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip 27,5% missaa pigisaraa.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 5.106km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik >70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Pilersuisinnaasunik marlunnik aatsitassannguunnernik Imiak Hill aamma Spotty Hill eqqaani nassaarneq uppernarsivaa GNB nalitunera aamma isumalluarnarnera.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

SIULERSUISUT SINNERLUGIT

Mark Fedikow, Pisortaq, North American Nickel Inc.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Rick Mark
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4