TSX-V: nan $0,20 -$0,01 -4,76% Volume: 4.062 October 20, 2020

Navigation

North American Nickel-ip namminersortunit ingerlanneqartumik CAD 7.500.000 tikillugit aningaasanik nuussineq nalunaarutigaa

April 17, 2013

Vancouver, British Columbia - (Marketwired – 17. april 2013) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffik") matumuuna nalunaarutigaa, aktiaatit 44.117.647-it tikillugit ("aktiaatit") aktia ataaseq CAD 0,17-inik akeqartillugu, ataatsimut katillugit ilanngaasiinnginnermi CAD 7.500.000 tikillugit iluanaaruteqarfiusumik namminersortumit ingerlanneqartumik aningaasanik nuussinissaq Ingerlatseqatigiiffiup piviusunngortissamaaraa.

Aktiat ataasiakkaat tamarmik tassaassapput Ingerlatseqatigiiffimmi aktia nalinginnaasoq ataaseq aamma aktiamik nalinginnaasumik pisinissamut salliusussaatitaanerup affaa ("Salliusussaatitaaneq" ataaseq). Salliusussaatitaanerit iluitsut tamarmik piginnittumut aktiamik nalinginnaasumik aktia ataaseq CAD 0,21-inik atuinermi naleqartillugu, piffissami aningaasanik nuussinerup namminersortumit ingerlanneqartup pineqartup atuuffissaata qaangiutereernerani, qaammatinik 24-inik sivisussusilimmi aktiamik nalinginnaasumik suli allamik ataatsimik pisinissamut pisinnaatitaaffiliisarput. Aningaasalersuinermit ilanngaaseereerluni iluanaarutaasut Ingerlatseqatigiiffiup aatsitassarsiorluni misissuinermi pisussanut pilersaarutaasa aningaasalersorneqarnissaannut atorneqassapput, aammalu amerlanerusunik ingerlatsinermut aningaasaateqartitsilissallutik.

VMS Ventures Inc.-ip ("VMS") aningaasalersuinermi aktianik 11.764.704-inik pisinissaq siunertaraa. VMS, suliffeqarfimmi ilisimannittunut ilaasoq aammalu Ingerlatseqatigiiffimmut qanimut atasuusoq, Ingerlatseqatigiiffimmi aktiaatinik nalinginnaasunik 21.825.000-inik piginnittuuvoq aalajangiisussaatitaallunilu (imaluunniit aktiaatit nalinginnaasut pisiaritinneqartut pisiarineqanngitsullu 27,1%-iisa missaanni). Richard J. Mark, Ingerlatseqatigiiffimmi pisortaanerusoq, VMS-imi Siulersuisuni siulittaasuuvoq aammalu pisortaanerulluni.

Sentient Executive GP IV, Limited ("Sentient") aningaasalersuinermi aktiaatinik 16.552.399-inik pisinissamik siunertaqarpoq. Sentient, suliffeqarfimmi ilisimannittunut ilaasoq aammalu Ingerlatseqatigiiffimmut qanimut atasuusoq, Ingerlatseqatigiiffimmi aktiaatinik nalinginnaasunik 20.000.000-inik piginnittuuvoq aalajangiisussaatitaallunilu (imaluunniit aktiaatit nalinginnaasut pisiaritinneqartut pisiarineqanngitsullu 24,8%-iisa missaanni) aammalu piginnittumut Ingerlatseqatigiiffimmi aktiaanik suli allanik 10.000.000-inik pisisinnaatitaanermut salliusussaatitaalluni.

VMS aamma Sentient, tamarmik suliffeqarfimmi ilisimannittunut ilaasut aammalu Ingerlatseqatigiiffimmi suleqataallutik attuumassuteqartuusut, aktiaatinik pisiniarmata, aningaasalersuinermut aningaasanik nuussisarneq naapertorlugu pisinerat tassaassaaq Multilateralt Instrument 61-101– Aningaasanik nuussinerni immikkuullarissuni aktiaatilinnik ikinnerussuteqartunik illersuineq ("MI 61-101") naapertorlugu "suleqataasunut qanittumik inissisimasunut aningaasanik nuussinerit ". MI 61-101-imut piumasaqaatit naammassiniarlugit VMS-ip aamma Sentients-ip aktiaatinik pisinerat immikkoortuni marlunni ingerlanneqassaaq. Immikkoortut marluk taakkua MI 61-101-imi pisortatigoortumik nalinginik aalajangiinissamut piumasaqaatit MI 61-101-imi immikkoortoq 5.5-imi immikkoortoq (b)-imi ilaatinneqartussaanngitsut naammassisinnaanissaat upperalugu ingerlanneqassapput. Immikkoortoq siulleq VMS-ip aamma Sentients-ip aningaasalersuinermi aningaasanik nuussinermit ingerlatassaanni immikkoortoq siulleq, MI 61-101-imi immikkoortoq 5.7-imi immikkoortoq (a)-imi allassimasutut aktiaatillit ikinnerussuteqartut akuerineqarnissaannut piumasaqaammik ilaatitsinnginnissamik angusaqarnissaat upperalugu ingerlanneqassaaq. Immikkoortut tunniunneqartut niuerfimmi nalingat naleqquttoq imaluunniit immikkoortunut tamatuma kingulianiittunut akiliutissat akilerneqartut immikkoortup siulliup kingorna VMS-imit aamma Sentient-imit pisiarineqartussat ingerlatseqatigiiffiup niuerfimmi nalinganit 25%-imik annertunerussanngillat. VMS-ip aamma Sentients-ip aningaasalersuinerup ilaata aappaanni ingerlatassaat Ingerlatseqatigiiffimmi ingerlatseqatigiiffiup nalinginnaasumik aamma immikkut ittumik ataatsimeersuarnerani ulloq 13. juni 2013 ingerlanneqartussami Ingerlatseqatigiiffimmi amerlanerussuteqartut akuersinissaat piumasaqaataavoq.

Ingerlatseqatigiiffiup ilisimasai naapertorlugit VMS aamma Sentient namminneerlutik aningaasaliinernut aalajangiisussaapput aammalu arlaannaannulluunniit attuumassuteqanngitsumik aamma ataatsimooratik imaluunniit isumasioqatigiinnatik niuertarlutik.

Aktiat placees-init pisiarineqartut aamma aktiat Salliusussaatitaanerit atorlugit pisiarineqarsinnaasut, qaammatini sisamani aammalu pappiaqqanut nalilinnut inatsimmut atuuttumut naapertuuttumik aktianik pisinerup iluarsisap immikkoortuani pineqartumi matusinerup ulluata aqaguani uninngatinneqartussaapput.

Akilersuinermi akiliutip siulliup aamma aappaata matuneqarnerat, matusinissamut tunngavissarititaasut naleqquttut, ilanngullugu TSX Venture Exchange-imit akuersissuteqarneq (aamma aktiaatillit ikinnerussuteqartut aningaasalersuinerup immikkoortuata aappaanik akuersissuteqarnerat), naammassineqarniariarpata pissaaq. Nassaartumut akissarsiassat aningaasalersuinermut atatillugu akilerneqarsinnaapput.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc.-ip (TSX VENTURE: VMS) NAN-ip aktiai 21 mio. missai pigisarai.

Kalaallit Nunaanni Maniitsumi suliassaq nunap immiikkoortuani nikkeleqarfiuvoq 4.983km2-inik annertussusilimmut aatsitassarsiorluni misissuinissamut pisinnaatitsissuteqarfigineqartoq, tassaniillutik nikkelinik-kanngussannik sulfid-inik aatsitassannguussimasut qaffasissumik akuissuseqartut arlalippassuit norit-inut aamma allanut mafisk-ultramafiske intrusiv-inut akiliussimasut. Qaarsumi peqarfik >70 kilometerinit takinerusoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Pilersuisinnaasunik marlunnik aatsitassannguunnernik Imiak Hill aamma Spotty Hill eqqaani nassaarneq uppernarsivaa GNB nalitunera aamma isumalluarnarnera.

Post Creek/Hlaycon-imi suliassaq Quadra FNX Mining-ip Podolsky-mi kanngussannut-nikkelinut-PGE-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut, nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Evan Sleeman
604-986-2020 imaluunniit akeqanngitsumik: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4