TSX-V: nan Volume:

Navigation

North American Nickel Inc.: 2014 Maniitsumi qillerineq aallartippoq

June 19, 2014

Vancouver, Britisk Columbia - (Marketwired – 19. juni 2014) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatsiveqatigiiffiup") matumuuna nalunaarutigivaa, qillerineq 2014-mut ingerlatsiveqatigiiffiup Mannitsoq nickel-kanngussak-kobolt-PGM kisermaassisussaatitaalluni suliassaq tamakkiisumik pigisaani Kalaallit Nunaata kujataata kitaaniittumi aallartittoq. 2014 qillerinissami diamantimik qillerutit marluk atorneqassapput, aatsitassannguuffioreertut misissussallugit taamatuttaaq allat nutaat peqarfiusut Kalaallit Nunaanni Norit-eqarfimmi misissussallugit. Qillerinerit saniatigut, suliat allat aallartisarneqassapput pisinnaatitsissummi annertoqisumi nutaanik nassaarfiusinnaasut ineriartortinnissai siunnerifiginiarlugu.

Qillerutip aappaa pilersaarutigineqarpoq sapaatit akunneri pingasut missaata qaangiuppat aallartinneqassaasoq, aallartiffigissavaalu misissuiffissaq Pingo, IHK-minngaanniit 25 kilometerinik missiliorlugu avannaata kitaanut inissisimasoq. Qulimiguulimmik VTEM 2013 misissuinermi Pingo-p eqqaani naliginnaasuunngitsut pingaaruteqartut nassaarineqarput, NAN-ip nunap qaavani misiliutinik aammalu siornatigut misissuinerni inerninik misissuinermik kinguneqarluni; tamarmik takussutissiipput ujaqqat naliginnaasuunngitsumik nikkel-sulfidinik akullit.

Diamantimik qillerlugu putuliat tamarmik 3D (ZXY) putulianut elektromagnetiskimik misissuummik misissorneqassapput, Crone Geophysics aamma Exploration Ltd-minngaanniit ingerlanneqassapput, sulfid-aatsitassannguunnernik putumiit 100 meterit tungaanut ungasitsigisunik nassaarsinnaasut, taamavalu aatsitassanngunerit annertussusaat taavalu innaallagissamut aqqutigiuminassusaat nalilersinnaallugu. Taanna periaat ukiuni marlunni kingullerni Maniitsup eqqaani qillerinerni atorneqarpoq, geologillu IHK-mi aatsitassannguunnernik paasisaqarneranut ikiutaalluni.

Nunap qaavani Geofysikki

Crone Geophysics 936 gravimetriskimik misissuinerit naammassivai, 627-it IHK-mi taavalu 309-it Fossilik-mi inissisimallutik. Katillutik 79,55 kilometerinik takitigisoq misissorneqarluni, taakkunani 69,4 kilometeri IHK-mi naammassineqarluni taavalu 10,15 kilometeri Fossilik-sumiiffimmi. Misissuinerit ullut 7-10 tulliuttut ingerlatiinnarneqassapput Fossilik-sumiiffimmi, immikkut Fossilik II aatsitassannguunermi. TDEM misissuinerni inernerit Crone Geophysics-minngaanniit suliarineqassapput.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nickel aatsitassarsiorluni misissuinermut ingerlatseqatigiiffiuvoq Maniitsumi Kalaallit Nunaanniittumi aamma Sudbury-mi Ontario-miittumi kisermaassisussaatitaalluni suliassanut 100%-imik piginnittuusoq.

Kalaallit Nunaanni Maniitsumi suliassaq nunap immikkoortuani nikkeleqarfiuvoq 3.601km2-isut annertussusilimmiittoq, nikkelinik-kanngussammik sulfid-inik aatsitassannguussimasunik qaffasissumik akuissuseqartunik arlalippassuarnik peqarfiusoq, GNB-imi (Kalaallit Nunaanni Norit-eqarfik) norit-inut allanullu mafisk-ultramafiske intrusiv-inut akuliussimasoq. Qaarsup iluani peqarfik >75 kilometeriut takissuseqartoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Sumiiffiit Post Creek/Halcyon periusissatigut KGHM International-ip oqaluttuarisaanermi Podolskyp kanngussannut-nikkelinut-platineqatigiinnut aatsitassarsiorfiani saniani inissisimapput. Sumiiffiit peqarfiusut Whistle Offset Dykep ilusaannut nangissutigalugu inissisimapput. Nunap sannaata ilusaanni taamaattuni annertuunik Ni-Cu-PGM-inik peqarfeqarpoq aammalu Sudbury-p sumiiffiani aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

SIULERSUISUT SINNERLUGIT
John Roozendaal, Pisortaq
North American Nickel Inc.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Asseq uunnga tusagassiuutitigut allakkamut tunngasoq takuniarukku, una iserfigiuk: http://media3.marketwire.com/docs/958596a.pdf.

Attaveqarfissamut paasissutissat:
North American Nickel Inc.
Evan Sleeman
604-986-2020
Akeqanngitsoq: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4