TSX-V: nan Volume:

Navigation

North American Nickel misissuineranik pisut kingulliit

September 16, 2014

Vancouver, Britisk Columbia - (Marketwired – 16. september 2014) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffiup") matumuuna Maniitsoq nikkel-kanngusssak-kobolt-PGM sulfid suliami Kalaallit Nunaata kujataata kitaaniittumi pisut kingulliit nalunaarutigivai. Qillerinerit naammassipput, atortunik sulisunillu piiaaneq aallartilluni. 2014 ingerlanerani diamantimik qillerinerit putunillu qillereqqiinerillu 39-it katillugu 8.773 meterinik takissusillit naammassipput. Misissuiermi inernerit putuni tallimani tunniunneqarput, putunullu 31-inut inernerit utaqqiinnarneqarlutik. Misissuinermi inernerit kingulliit sapaatip akunnerini tulliuttuni aaliangersimasumik nalunaarutigineqartassapput.

MISISSUILLUNI QILLERINERIT

Putut 22-it 3.725 meterinik takitigisoq misissugassani 14-niittuni Maniitsoq-sumiiffimmi siaruaqqasumi naammassineqarput(ilusiliaq 1). Putut 19-it noritiskit aamma gabbroiskit ujaqqat aatsitassaasinnaasut aqqusaarpai. Putut 14-it sulfid-aatsitassannguunnerit aqqusaarpai inernerini misissuinerit ingerlapput (tabel 1).

Pingaarnerit ukuupput:

  • naliginnaasuunngitsut innaallagissamut aqqutigittupilussuit pingasut qillerlugu putuliani #M misissuinerni takutippai MQ-14-071 P-053 naliginnaasuunngitsoq eqqaaniittumi. Naliginnaasuunngitsoq, Maniitsoq-sumiiffimmi takusani malunnarnerpaat ilagivaa, ilimagineqarpoq putumi norit aatsitassannguunermi ilaasoq.
  • 10 meterimiit 50 meterimut nikerartumik sulfidit agguataarluaqqasut noritini P-149, P-136 aamma P-030 naliginnaasuunngitsut
  • sulfidit mattunerulaartut 6 meterit aamma 16 meteri sulfideqarfiit annertuut noritini P-013 naliginnaasuunngitsup eqqaani.
  • Mattunerulaartut mattusuullu sulfideqarfiit decimeterikkaartut 5,5 meteri tikillugu takitigisut noritinut akuusut P-058 naliginnaasuunngitsup eqqaani nassaarineqarput.

IMIAK HILL ATAATSIMOORFIK (IHK) MISISSUINEQ

Ungasinngitsumi putut avissaartuunnikut 17-it 5.048 meterinik takissusillit IHK eqqaaniittumi naammassineqarput, 2012 aamma 2013 aatsitassannguuffiit aqqusaarneqartut misissorniarlugit (ilusiliaq 2). Misissuinermi inernerit tallimat Imiak Hillimiittut tunniunneqarput, massakkullui putulianni inernerit 11-it Imiak, Spotty Hilll aamma Mikissoq-meersut utaqqineqarput.

Sukumiisumik IHK-mi ilusilersuinerit sumiissusersiuinerillu sumiiffimmi peqarfimmi ilusaanut paasinninniarnermut iluaqutaavoq. Mylonitzonet Imiak Hill eqqaani nunap qaavani nassaarineqarnikut nunap iluani aamma nassaarineqarput, mylonitzonenullu qillerilluni nassaarineqarnikuni attuumassuteqarsorinarluni. Nassuiaanerit maannamut takussutissiipput aatsitassannguunngerit nunap iluani aqqusaarneqartut, suliaqarnerillu suli pisariaqarput mylonitit Imiak Hill eqqaaniittut ilusaat paasiniarlugu.

Nunap qaavani Spotty Hillimi “fluxgate” EM misissuinerit Crone Geophysics aamma Exploration Ltd.-miik naammassineqarput paasiniarlugu taanna misissueriaaseq siunissami tassani suliami atorneqarsinnaanersoq.

Imiak Hill qillerinerit

Qillerlugu putuliat 7-it katillugu 2.445 meteriusut Imiak Hill eqqaani naammassineqarput zone 10 aamma 30-mi ilaqqiinerit misissorniarlugit. Putumut MQ-14-072 inernerit ingerlapput, aqqusaarpaa:

  • 19,5 metereq 170,6-190,10 meteri sulfideqarfik nunap iluani Zone 10 tallissutaatut taaneqartartoq; aamma
  • 1,7 meteri sulfideq mattunerulaartoq Zone 30 eqqaani 202,75 meterimiik 204,50 meterimut.

Zone 30 nunap iluani myloniteqarfittut taaneqartarpoq. Zone 10 75 meterinik ilaqqinneqarpoq, kisiannili zone 30-tulli assinganik aqqusaagaqarluni. Imiak Hillimi aatsitassannguuffimmi inerninut misissuinerit ilusilersuinerillu ingerlapput.

Spotty Hill qillerinerit

Putut 7-it ataaserlu ilaqqitaq katillugu 2.057 meterimik takissusilimmik Spotty Hill eqqaaniittumi naammassineqarput taamatuttaq inerninut misissuinerit arfinillit takkullutik. Spotty Hill aatsitassannguuffik nassuiarneqartarpoq sivingasumik kuataata kangianut ingerlaveqartoq, qillerinerit qillerlugulu putuliani EM misissuinerit toqqammavigalugu paasisat:

  • Peqarfiit silittut sulfidinik agguataarluaqqasunik innaallagissamik aqqutigissunik mattunerulaartunik sulfidinik akulimmik

Qillerlugu putuliani EM misissuinerit takutippaa, aatsitassannguuffiup nunap iluani ingerlavia aammasoq, tassanilu sumiiffimmi qillerinissat allat pilersaarutaapput 2015-mi.

Mikissoq qillerinerit

Putut pingasut katillugu 546 meterinik katillugu takissusilimmik Mikissoq eqqaani naammassineqarput, sulilu inerneri utaqqillutigit. Putut marluk ujaqqat gnejsiunerusut aqqusaapai ilimagineqarlunilu aatsitassannguuffik uniorlugu qillerisoqarsimasoq. Putu pingajuat, MQ-14-073, norit aqqusaarpaa imarivaalu:

  • 5,6 meteri 112,93 meterimit 118,56 meterimut sulfideqarfik mattunerulaartoq.

Qillerlugu putuliani EM misissuinerit takutippaa sulfidit mattunerulaartut aatsitassannguuffiup pingaarnerup qulinnguani talerpiatalu tungaani inissisimasut, nassuiarneqartarpoq avannaq kangianukartoq.

ALLORIARNEQ TULLEQ

Ingerlatseqatigiiffiup 2014-mi alloriarneq iluarisimaarpaa, misissuinerup taassuma ingerlanerata aallartinneraniittoq, soorlu Spotty Hill aamma Mikissoq aatsitassannguuffiit IHK eqqaaniittut ilaqqinneqarneri, taavalu misissuiffinni sulfidinik aqqusaarsinerit pingaarutillit misissuiffinni nassaarineqartut. Aammattaaq iluaqutaapput geologiskimik aamma ilusilersuinernut nassuiaanerit geologiskimik modelit paasiniarlugit.

Misissuinissamut pilersaarut ingerlalluartumi toqqammavigalugu, Ingerlatseqatigiiffiup naatsorsuutigivaa 2015-mi annertuumik misissuinissamut pilersaaruteqassallutik, ilagissagai qillerinerit, silaannakkut nunakkullu geofysiki, misissuinerit aamma geokemiskimik tigooraanerit aammalu aatsitassannguuffiup ilusaani paasinninniarnerit annertusarnissai.

Pitsaassutsinik misissuisarneq

Qillerummit qaqitanik misissueqqissaarnermit paasisat pitsaassutsimik qulakkeeriniarnermut aamma pitsaassutsimik misissuisarnermut suleriaatsip ilaatut nalilersorneqartarput, tassunga ilanngullugu misissueqqissaarnerit inernerisa eqqoqqissaassusai erseqqissusaalu aalajangerniarlugit atorneqartarlutik akuusut assigiinngitsut tamarmik, aatsitassat erlinnartut nalinginnaasullu ilisimaneqartut nalinginut pitsaassusissanut malitassat akuerisaasut, pitsaassusissanut malitassat imaqanngitsut aamma nakkutiginninnermi iliuusissat. Qillerummit qaqitanik misissueqqissaarnerit SGS Laboratories-imi Vancouver-imi Canadamiittumi suliarineqartarput. Misissueqqissaarnermi periaatsit pingasut ujaqqani misissugassani ALS-imut saqqummiunneqartuni akuusut annertussusaasa aalajangernissaannut atorneqartarput. Taakkua tassaapput 1. Syre-mik ammaanertalimmik akuusut assigiinngitsut tamaasa qarasaasiamik atortoqarluni misissoqqissaarneri aamma ICP / ICP-AES atorlugu naammassinera; 2. Au, Pt aamma Pd Fire assay misissugassami 30 gram-itut angissusilimmi ICP-AES atorlugu naammassinera; aamma 3. Ni-imik imaluunniit Cu-imik > 1,00%-imik akullit misissugassat misissoqqissaarneqaqqittarput natriumperoxid fusion ICP-AES atorlugu saffiugassap akuissusaa nassaarineqartarluni.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nickel aatsitassarsiorluni misissuinermut ingerlatseqatigiiffiuvoq Maniitsumi Kalaallit Nunaanniittumi aamma Sudbury-mi Ontario-miittumi kisermaassisussaatitaalluni suliassanut 100%-imik piginnittuusoq.

Kalaallit Nunaanni Maniitsumi suliassaq nunap immikkoortuani nikkeleqarfiuvoq 3.601km2-isut annertussusilimmiittoq, nikkelinik-kanngussammik sulfid-inik aatsitassannguussimasunik qaffasissumik akuissuseqartunik arlalippassuarnik peqarfiusoq, GNB-imi (Kalaallit Nunaanni Norit-eqarfik) norit-inut allanullu mafisk-ultramafiske intrusiv-inut akuliussimasoq. Qaarsup iluani peqarfik >75 kilometeritut takissuseqartoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Sumiiffiit Post Creek/Halcyon periusissatigut KGHM International-ip oqaluttuarisaanermi Podolskyp kanngussannut-nikkelinut-platineqatigiinnut aatsitassarsiorfiani saniani inissisimapput. Sumiiffiit peqarfiusut Whistle Offset Dykep ilusaannut nangissutigalugu inissisimapput. Nunap sannaata ilusaanni taamaattuni annertuunik Ni-Cu-PGM-inik peqarfeqarpoq aammalu Sudbury-p sumiiffiani aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

SIULERSUISUT SINNERLUGIT
John Roozendaal, Pisortaq
North American Nickel Inc.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Tabel 1: Misissuinermi putuni eqikkaaneq.
Misissugaq Qillerlugu putuliaq Oqaaseqaatit
P-149 MQ-14-041
~ 50meteri sulfidit agguataarluaqqasut aamma ~0,5meteri noritimi sulfideqarfiit.
MQ-14-042 ~ 6meteri noritimi sulfid agguataarluaqqasoq.
P-157 MQ-14-043 ~ immikkoortut sullfid agguataarluarnikut amfibolitini.
MQ-14-045 Iluani peqallattaasoq sulfidinik agguataarluaqqasunik mata-gabbroni.
P-161 MQ-14-046 Meterikkaanik agguataarluaqqasunik sulifidinik mata-gabbroni.
P-146 MQ-14-047 Norit marlunnik ~ 5meterinik agguaqqissaaqqasumik sulfidimik.
P-136 MQ-14-048 ~13m og ~28meterikkaat sulifidinik noritimi agguataarluaqqasunik
P-081 MQ-14-049
Norit aamma orthognejs; pingaarutilinnik akoqanngilaq.
MQ-14-050 Norit magnetititalik, pingaarutilinnik akoqanngilaq.
P-004 MQ-14-051
~4meteri sulfideqarfik agguataarluaqqasoq.
MQ-14-061 Norit pingaaruteqanngitsoq
P-058 MQ-14-053
Amitsut amerlasuut (0,5-5cm) sulfideqarfiit mattusuut noritiniittut.
MQ-14-054 ~5,5m zone decimeterimiit meterimut nikerartut mattunerulaartut mattusuullu sulfideqarfiit leuconoritiniittut
MQ-14-057 ~1,5m zone zone decimeterimiit meterimut nikerartut mattunerulaartut mattusuullu sulfideqarfiit leuconoritiniittut
MQ-14-059 ~1,5meteri aatsitassannguunneq soorlu MQ-14-057 noritimi.
P-059 MQ-14-055 Norit aamma orthognejs; uniorlugu; off-hull naliginnaasuunngitsoq 125meterimi.
P-048 MQ-14-64 Megnetisk diabas dyke orthognejs aqqusaaraa, pingaarutilinnik akoqanngilaq
P-013 MQ-14-066 ~6meteri mattunerulaartoq sulfideqarfik noritimi;arlallit allat decimeterikkaartut sulfideqariit mattunerulaarut noritiniittut aamma leuconorit.
MQ-14-068 ~16meterit annertuumik agguataarluqqasut sulfidit noritimi.
P-013 SE MQ-14-069 Norit aamma gnejs; uniorlugu off-hul naliginnaasuunngitsoq 50meterimi.
P-030 MQ-14-070 10-15 meterit pingasut sulfid agguataarluaqqasut silinnerit 108 meterimi annikinnermik agguataaqqasut sulfidit noritimi.
P-053 MQ-14-071 ~16,5meteri sulfid agguataarluaqqasut noritimi; aamma marluk saattut centimeterikkaat kobberkis-eqarluartut, sulfideqarfiit leuconoritimi.

Attaveqarfissamut paasissutissat:
North American Nickel Inc.
Jaclyn Ruptash
Corporate Communications
604-986-2020 imaluunniit akeqanngitsoq: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4