TSX-V: nan Volume:

Navigation

North American Nickel nalunaarutigivaa nikkelsulfid-nassaat nutaat Maniitsup kujataata sineriaani inissisimasumi

November 11, 2014

Vancouver, Britisk Columbia - (Marketwired – 11. november 2014) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffiup”) matumuuna nalunaarutigivaa misissukkat aamma qillerlugu putuliani elektromagnetiskemik misissuinerit P-030 aamma P-053 misissugassat misissorniarlugit, Ingerlatseqatigiiffiup Maniitsoq nikkel-kanngussak-kobolt-PGM kisermaassisussaatitaalluni suliassaq tamakkiisumik pigisaani Kalaallit Nunaata kujataata kitaaniittumi kujataani inissisimasoq misissorniarlugu. Misissukkat inerneri taakku Ingerlatseqatigiiffiup uppernarsivaa sumiiffinni arlaqartuni Ni-Cu-Co & PGM sulfid-aatsitassannguunnernik peqartoq Kalaallit Nunaata Noriteqarfiani (“GNB”) tamakkerlugu.

Pingaarnerit ukuupput:

  • MQ-14-070 (P-030): 20,10 meteri 0,63% Ni; 0,20% Cu aamma 0,18 g/t Pt + Pd + Au ilagigaa:
    • 1,86% Ni, 0,52% Cu aamma 0,49 g/t Pt + Pd + Au 1,2 meteri sinnerlugu takitigisoq;
    • 1,99% Ni, 0,33% Cu aamma 0,42 g/t Pt + Pd + Au 0,75 meteri sinnerlugu takitigisoq
  • MQ-14-071 (P-053): Saviminermut aqqutigilluartut naliginnaasuunngitsut pingasut paasineqarput qillerlugu putuliami elektromagnetiskimik (EM) misilittaanermi, kobberkis-rige sulfidbåndit itissusiata assinganik inissisimasut akoralugit 0,85% Ni; 1,80% Cu aamma 0,56 g/t Pt + Pd + Au 0,24 meteri sinnerlugu takitigisoq.

NAN-ip Pisortaa aamma CEO Mark Fedikow, oqarpoq:”Taakku Ni, Cu aamma PGM qaffasissut misissukkat pitsaasut, P-030 aamma P-053 naliginnaasuunngitsuni qillerlugu putuliani geofysiskit inernerit annertuut uppernarsarpaa misissorneqarnissai. Ingammik P-053 eqqaani off-hul naliginnaasuunngitsut immikkut ittut sulfidinut-attuumassuteqartunut nassuiarneqartoq, noritimillu aatsitassannguunnermik akoqarluni. Taakku maannamut Maniitsup eqqaani qillerlugu putuliani maannamut pingaarnerpaajupput.

“Aamma pingaaruteqarpoq, taakku inernerit uppernarsissagaat Ni-Cu-PGM Maniitsup avannaata tungaani (Pingo) peqarsinnaanissaa, (Imiak Hill Ataatsimoorfik, Fossilik, P-013) qeqqa aqqutigalugu, (P-053) peqarfiata kujataata tungaanut, Ingerlatseqatigiiffiup sulfid-aatsitassannguunernik nassaartorneranut iluaqutaasoq.

“2014-mi misissuiffissani misissuinerit iluatsilluartuupput Maniitsoq uppernarsigamiuk annertuumik nikkeleqarfiusoq, nikkelsulfidit magmatiskit GNB-miittut. Inernerit taakku pingaarutillit toqqammavigalugit, taakkulu misissukkat qillerlugu putuliami MQ-14-072 Imiak Hill eqqaani aamma MQ-14-073 Mikissoq eqqaaniittut ingerlasut, qilanaarutigaarput qillerinikkut allat misissuiffissami misissugassat, aammattaaq qulimiguulikkut elektromagnetiskimik (VTEM) 2015-mi misissuinissarput.”

P-030 aamma P-053-mut putunut marlunnut qillikkanut inernerit ataani nalunaarutigineqarput aamma tabel 1 aamma 2-milu taamatuttaaq ilusiliaq 1 aamma 2-mi. Ilusiliat linkikkut uunga nalunaarummut atasoq atorlugu takuneqarsinnaapput.

MISISSUIFFISSAT

Maniitsoq sineriaata kujataata tungaaniittoq

P-030 aamma P-053 aatsitassannguunnerit

P-030

P-030-sumiiffik Imiak Hill Ataatsimoorfimmit 40 kilometerinik kujammut inissisimavoq Maniitsoq-sumiifiup kujataata tungaaniittoq. Misissugassaq naliginnaasuunngitsumik peqarpoq qulimiguulimmik elektromagnetiskimik (VTEM) atorlugu nassaarineqarnikumik timmilluni aqqutini narlortuni pingasuni 100 meterinik akuttussusilinnik, noriteqarfimmut annertuumut attuumassuteqartoq, aammalu Nunanguit nikkelsulfid-aatsitassannguunnerit qangali nalunnginneqartut.

Nunanguit-aatsitassannguuffimmi putut naatsut 1970-mi qillerneqarnikut misilittarneqarput, tamarmik nikkelsulfid-aatsitassannguunnerit aqqusaarpaat. Aqqusaakkat pingaarnerit ukuupput 1,20% Ni aamma 0,48% Cu 2,9 meteri sinnerlugu takitigisoq aamma 0,29% Cu 16,75 meteri sinnerlugu takitigisoq.

2013-mi Ingerlatseqatigiiffiup MQ-13-012 qillerpaa misilittarniarlugu P-030 VTEM naliginnaasuunngitsoq siornatigut qilleriffiit kangiani inissisimasut, annertunerpaaq noritiuvoq aamma annikitsumik gabbronorit sulfidit nikkelitallit.

2014-mi putumik (MQ-14-070) 60 meterimik qillereqqittoqarpoq MQ-13-012 ilaqqillugu, 158,0 meterimut ititigisumut P-030 naliginnaasuunngitsoq misissoqqinniarlugu (ilusiliaq 1 aamma 2 takujuk). MQ-14-070 sulfideqarfik agguataarluaqqasoq silittumik noritimiittoq 22,0 meterimit 60,85 meterimut akoralugit 0,44% Ni aamma 0,14% Cu 38,85 meteri sinnerlugu takitigisoq. Peqarfiup naqqata akorivai 0,63% Ni aamma 0,20% Cu 20,1 meteri sinnerlugu takitigisoq 40,75 meterimit 60,85 meterimut, tigusat akoqarput 1,99% Ni, 0,33% Cu aamma 0,42 g/t Pt + Pd + Au 0,75 meteri sinnerlugu takitigisoq. Sulfideqarfik agguataarluaqqasoq alla 112,2 meterimit 130,0 meterimiittoq akoqartoq 0,33% Ni, 0,11% Cu aamma 0,26 g/t Pt + Pd + Au 17,8 meteri sinnerlugu takitigisoq. Aatsitassannguuffik suli ammavoq.

Qillerlugu putuliami elektromagnetiskimik (BHEM) misissuinerit MQ-13-012 aamma MQ-13-070 takutitsivoq off-hul BHEM naliginnaasuunngitsunik peqartoq. Putuni marlunni akornaniippoq, aappaalu MQ-14-070 kitaani inissisimalluni. Taakku naliginnaasunngitsut taaneqarput sulfideqarfimmut agguataarluaqqasumut MQ-14-070 attuumassuteqartut.

Aatsitassannguuffik MQ-14-070 naammattoorneqartoq P-030 eqqaani noriteqarfik misissuiffigineqarnissaanut annertusivaa, saviminissallu erlinnartut annertuut (Pt + Pd + Au) Spotty Hillimi Pingomilu sulfid-aatsitassannguuffimmut assingulluni. P-030 misissorneqartussanut amerliartortunut ilanngunneqarpoq, misissoqqinneqarnissaanut tulluartut.

P-053

P-053 misissuiffissat Imiak Hill Ataatsimoorfimmit 45 kilometerimik kujataata kitaani inissisimavoq, 20 kilometerimillu P-030-sumiiffimmit Maniitsup kujataaniittumi inissisimalluni. Misissuiffissaq VTEM naliginnaasuunngitsumik peqarpoq timmiffini narlortuni 100 meterinik akuttussusillit, agguataaqqasumullu nikkelsulfideqarfinnut noritiniittut 300 meterinik takissusilik nassaarineqarnikumut assingulluni. Sumiiffik qilleriffigineqarnikuunngilaq.

Putoq, MQ-14-071, 194 meterimik itissusilimmik qillerneqarpoq VTEM naliginnaasuunngitsoq misilittarniarlugu (ilusiliaq 3 aamma 4 takujuk). Noriteqarfik aqqusaarneqarpoq 38,55 meterimit 166,78 meterimut, imarivaa sulfid-aatsitassannguunerit amitsut marluk saviminillu akoqarluartut:

  • 1,35 meteri sulfidit ataatsimoortut agguataarluaqqasut 0,60% Ni aamma 0,09% Cu 93,65 meterimit 95,0 meterimut aamma
  • 0,65 meteri noriteq 108,52 meterimit 109,17 meterimut imaralugu kobberkis-rig sulfideqarfiit amitsut marluk 0,47% Ni, 2,66% Cu aamma 0,16 g/t Pt + Pd + Au 0,11 meteri sinnerlugu takitigisoq aamma 0,85% Ni, 1,80% Cu aamma 0,56 g/t Pt + Pd + Au 0,24 meteri sinnerlugu takitigisoq.

MQ-14-071 qillerlugu putuliami elektromagnetiskimik misissukkat marluk assigiinngitsut naammassineqarput, taavalu spolemik “fluxgate”-mik misissuinerit saviminermut aqqutigissunut naliginnaasuunngitsunut atussallugu pitsaasoq. Saviminernut aqqutigissut off-hul BHEM naliginnaasuunngitsut pingasut takutinneqarput 105, 115 aamma 120 meterimiittut. Taakkunani saviminernut aqqutiginnerpaaq kobberkis-rige sulfideqarfik nunap iluaniittoq qillerinermi aqqusaarneqarnikoq attuumassuteqarfigivaa (ilusiliaq 4).

Off-hul BHEM naliginnaasuunngitsut pingasuusut P-053 eqqaaniittut nassaarineqartut Maniitsoq-sumiiffimmi naliginnaasuunngitsuni sakkortunerpaat ilagaat, 2015-imullu qilligassatut pingaarnertut inissisimallutik. P-053 kujataani, noriteqarfinnik arlallit sumiissuserneqarput, kisannili taakkua Ingerlatseqatigiiffiup VTEM misissugaata silataaniipput, 2015-milu VTEM misissuinissanut pingaarnernut ilaalluni.

Pitsaassutsinik misissuisarneq

Qillerummit qaqitanik misissueqqissaarnermit paasisat pitsaassutsimik qulakkeeriniarnermut aamma pitsaassutsimik misissuisarnermut suleriaatsip ilaatut nalilersorneqartarput, tassunga ilanngullugu misissueqqissaarnerit inernerisa eqqoqqissaassusai erseqqissusaalu aalajangerniarlugit atorneqartarlutik akuusut assigiinngitsut tamarmik, aatsitassat erlinnartut nalinginnaasullu ilisimaneqartut nalinginut pitsaassusissanut malitassat akuerisaasut, pitsaassusissanut malitassat imaqanngitsut aamma nakkutiginninnermi iliuusissat. Qillerummit qaqitanik misissueqqissaarnerit SGS Laboratories-imi Vancouver-imi Canadamiittumi suliarineqartarput. Misissueqqissaarnermi periaatsit pingasut ujaqqani misissugassani ALS-imut saqqummiunneqartuni akuusut annertussusaasa aalajangernissaannut atorneqartarput. Taakkua tassaapput 1. Syre-mik ammaanertalimmik akuusut assigiinngitsut tamaasa qarasaasiamik atortoqarluni misissoqqissaarneri aamma ICP / ICP-AES atorlugu naammassinera; 2. Au, Pt aamma Pd Fire assay misissugassami 30 gram-itut angissusilimmi ICP-AES atorlugu naammassinera; aamma 3. Ni-imik imaluunniit Cu-imik > 1,00%-imik akullit misissugassat misissoqqissaarneqaqqittarput natriumperoxid fusion ICP-AES atorlugu saffiugassap akuissusaa nassaarineqartarluni.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nickel aatsitassarsiorluni misissuinermut ingerlatseqatigiiffiuvoq Maniitsumi Kalaallit Nunaanniittumi aamma Sudbury-mi Ontario-miittumi kisermaassisussaatitaalluni suliassanut 100%-imik piginnittuusoq.

Sumiiffiit Post Creek/Halcyon periusissatigut KGHM International-ip oqaluttuarisaanermi Podolskyp kanngussannut-nikkelinut-platineqatigiinnut aatsitassarsiorfiani saniani inissisimapput. Sumiiffiit peqarfiusut Whistle Offset Dykep ilusaannut nangissutigalugu inissisimapput. Nunap sannaata ilusaanni taamaattuni annertuunik Ni-Cu-PGM-inik peqarfeqarpoq aammalu Sudbury-p sumiiffiani aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

SIULERSUISUT SINNERLUGIT
John Roozendaal, Pisortaq
North American Nickel Inc.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Putup
Normua
Uannga
(m)
Uunnga
(m)
Qaarsup
Takissusia
(m)
Ni % Cu % Co % TPM
g/t
P-030 Misissuiffissaq
MQ-14-070 22.00 60.85 38.85 0.44 0.14 0.02 0.12
ilanngullugu 40.75 60.85 20.10 0.63 0.20 0.02 0.18
ilanngullugu 45.40 46.15 0.75 1.99 0.33 0.06 0.42
Aamma 53.30 54.50 1.20 1.86 0.52 0.06 0.49
112.20 130.00 17.80 0.33 0.11 0.02 0.26
P-053 Misissuiffissaq
MQ-14-071 93.65 95.00 1.35 0.60 0.09 0.02 0.12
108.52 109.17 0.65 0.41 1.13 0.02 0.23
ilanngullugu 108.52 108.63 0.11 0.47 2.66 0.02 0.16
Aamma 108.93 109.17 0.24 0.85 1.80 0.03 0.56

Malugiuk:Takissutsit takissusiviusinnaanngimmata, qaarsumut qillikkamut takissusiugamik
TPM – saviminissat annertussusaat (Au+Pt+Pd)
NSA – nalinga pingaaruteqanngitsoq

Hulnummer UTM
Kangia
UTM
Avannaa
Portussusia
(m)
Længde
(m)
Retning Dyk Område
MQ-14-70 471466 7217013 241.00 158.00 330° -50° P-030
MQ-14-071 451450 7220194 373.00 194.00 025° -65° P-053

Malugiuk: UTM WGS84 Zone 22 qillikkap koordinaatii

Attaveqarfissamut paasissutissat:
North American Nickel Inc.
Jaclyn Ruptash
Corporate Communications
604-986-2020 imaluunniit akeqanngitsoq: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4