TSX-V: nan Volume:

Navigation

North American Nickel nalunaarutigivaa nutaat aamma pingaarutillit nikkelsulfidinik aqqusaarneqartut Maniitsup eqqaani

November 3, 2014

Vancouver, Britisk Columbia - (Marketwired – 3. november 2014) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffiup”) matumuuna nalunaarutigivaa P-013 sumiiffimmi misissuinermi inernerit nikkelsulfideqarfinnut pingaarutilinnut arlalinnut aqqusaarnillit, Imiak Hill Ataatsimoorfimmit (IHK) j17 kilometeri kujammut inissisimasoq Ingerlatsiveqatigiiffiup Mannitsoq nickel-kanngussak-kobolt-PGM kisermaassisussaatitaalluni suliassaq tamakkiisumik pigisaani Kalaallit Nunaata kujataata kitaaniittumi.

Pingaarnerit ukuupput:

  • MQ-14-066 (P-013): 5,85 meteri 2,07% Ni aamma 0,12% Cu sulfidit mattunerulaartut peqarfiusumi silinnermiittut 11,0 meteri 1,31% Ni aamma 0,15% Cu.
  • MQ-14-068 (P-013): 3,4 meteri 2,07% aamma 0,34% Cu sulfideqarfimmi mattunerulaartut peqarfiusumi silinnermiittut 15,85 meteri 0,87% Ni aamma 0,27% Cu.

NAN-ip Pisortaa aamma CEO, Mark Fedikow, oqarpoq:”Qillerinerit P-013 sumiiffimmiittut 2013-mi qillikkanut nangeqqiinerupput, pingaarutilinnillu nutaanik nikkelsulfidinik aqqusaarnernik inerneqarluni. Taakku inernerit kisimi P-013 pilersaarusiorluagaanera takutiinngilaa, aammalumi Maniitsop eqqaa misissorneqarnissaanut piukkunnarnera. Inernerit uppernarsivaa misissuinitsinni periaatsigut, sullarinnerillu, geologitsinnit naammassineqartut. 2014-mut misissuinermi inernerit qilanaarivakka”.

Misissuiffissami qillerlugu putuni aamma IHK-mi ataaseq inerneri ataani taaneqarput, tabel 1 aamma 2-milu taamatuttaaq ilusiliaq 1 aamma 2-mi takuneqarsinnaallutik. Ilusiliat linkeq uunnga nalunaarummut atasoq atorlugu takuneqarsinnaapput.

MISISSUIFFISSAMI

P-013-sumiiffik Imiak Hill Ataatsimoorfimmit (IHK) 17 kilometerinik kujammut inissisimavoq, Maniitsoq-sumiiffiup qeqqani inissisimasoq, ilagalugit qulimiguulimmik elektromagnetiskimik (VTEM) naliginnaasuunngitsut 500 meteri sinnerlugu ungasissusilimmiittut. Naliginnaasuunngitsut ilagaat P-013 Qeqqa, P-013 SE aamma P-013 NW misissuiffiit (ilusiliaq 1 takujuk). 2014-mi putut pingasut naammassineqarput P-013 misissugassaq misilittarniarlugu.

P-013 Centre

Nikkelsulfid-aatsitassannguuffik missuinerit nunap qaani taavalu VTEM naliginnaanngitsumik qillerlugu misilittaanikkut pissutigalugu nunap iluani poortoqqasoq nassaarineqarpoq. 2013-mi putu qillerneqarpoq (MQ-13-032) VTEM naliginnaasuunngitsoq 200 metereq avannamut kangisimmut ingerlasoq misilittarniarlugu, aqqusaarlugu peqarfik silittoq noriteq aamma leukogabbro nikkelsulfid-aatsitassannguunnernik peqallattaasoq(tusagassiuutitigut nalunaarut 21 november, 2013). Aqqusaakkat pitsaanerit akoqarput 0,44% Ni aamma 0,20% Cu 6,51 meteri sinnerlugu takissusilik ilagalugu 2,35% Ni aamma 1,21% Cu 0,73 meteri sinnerlugu takitigisoq. Qillerlugu putuliami elektromagnetiskimik (BHEM) misissuineq takutippaa naliginnaasuunngitsut saviminermut aqqutigissut aqqutiginnerillu off-hul-it aatsitassanngunnermut atasut, taamaattumik takutitsisoq aatsitassannguunnernik annertuunik eqqaani peqarsinnaasoq.

2014-mi putut marluk (MQ-14-066 aamma MQ-14-068) katillugu 597 meterit naammassineqarput 2013-mi inernerit ilaqqinniarlugit. Putut marluk aatsitassanngunnerít noritit ataani nassuiarneqartumi aqqusaarpaat.

MQ-14-066 qillerneqarpoq off-hul BHEM geofysik naliginnaanngitsoq misilittarniarlugu putumi MQ-13-032-mi nassaarineqarnikumi. MQ-14-066 orthognejs aallartippoq aaqusaarlugillu leuconorit, norit aamma pyroxenit 63,48 meterimit putup naaneranut 365 meterimut. 94 meteri 150 meterilu akornanni sulfideqarfiit mattunerulaartut akuttusuukkaat aqqusaarneqarput, akoralugit 1,55% 2,23%-mut Ni aamma 0,18% 0,70%-mut Cu (tabel 1 takujuk). Aatsitassannguuffik pingaanneq aqqusaarneqarpoq 157,0 meterimit 168,0 meterimut, 11 meterimiillutillu linsit, sulfideqarfiit mattunerulaartut noritimiittut 1,31% Ni aamma 0,15% Cu, iluaniilluni sulfideq mattunerulaartoq akulik 2,07% Ni aamma 0,12% Cu 5,85 meteri sinnerlugu takitigisoq 158,43 meterimit 164,28 meterimut. Aatsitassannguffik silittoq alla assingusoq aqqusaarneqarpoq 201,20 meterimit 223,94 meterimut aamma akugalugit 0,50% Ni aamma 0,15% Cu 22,74 meteri sinnerlugu takitigisoq, iluaniilluni 1,79% Ni aamma 0,31% Cu 2,14 meteri sinnerlugu takitigisoq 203,35 meterimit 205,49 meterimut.

Qillerlugu putuliani EM misissuinerit takutippaa, aatsitassannguunneq avannaq kangisik-kujasik kippasimmut naliginnaasuunngitsoq ingerlasumut sanilliunneqarsinnaasoq, sivingasumik ammut avannaq kippasimmut ingerlasoq. Qillereqqinnerit P-013 aatsitassannguuffiup annertussusaa paasiniarlugu pisariaqarpoq, 2015-imilu tassani suliaqartoqarnissaa pilersaarutaalluni.

P-013 SE

MQ-14-069 qillerneqarpoq VTEM naliginnaasuunngitsoq alla misilittarniarlugu (P-013 SE), 250 meterimik P-013 Qeqqa naliginnaasuunngitsoq qulaani taaneqartumit kujammut kangisimmut inissisimavoq. Siornatigut misissugassamut misiliineq 2013-mi putuoq MQ-13-034. Putut taakku marluk noriteqarfiit aqqusaarpaat kisianni naliginnaasuunngitsortaa pinnagu. VTEM paasissutissanik ilusilersueqqinnerit, taamatuttaaq qillerlugu putuliami EM misissuinerup paasissutissaanik putumit MQ-14-034, takutippaa naliginnaasuunngitsoq putuni taakkunani marlunniik kitaaniittumi inissisimasoq. Misissugassaq P-013 SE suli misissugassatut salliusutut inissisimavoq P-013 Qeqqa eqqaani inissisimasup inerneri pitsaasut toqqammavigalugit.

Misissugassat allat

Misissuiffimmit putunit marlunnit inernerit takkutilerput, aqqusaarai nikkelsulfid-aatsitassannguunnerit noritimi P-030 aamma P-053 sumiiffiit eqqaanni.

IMIAK HILL Ataatsimoorfik (IHK)

MQ-14-067 inissinneqarpoq kujataanut, taavalu missiliorlugu 200 meterinik Imiak Hillimi siornatigut qillikkat ilaqqitani ungasitsigilluni sumiiffik 10 aamma 30 ilaqqitassaanersut misilittarniarlugu, BHEM misissuinernullu toqqammavitut illuni. Putup aqqusaarpai leuconorit silittut, noritit pyroxenitellu nunap qaavanit 317 meteri qillikkap naqqanut. Mafiske-ultramafiskeq ujarak granitimik unitsinneqaqqavoq, 317 meterimiit putup naanissaanut 494 meterimut. Aatsitassannguunernit annertuunik aqqusaagaqanngilaq. Putumi BHEM misissuinermi naliginnaasuunngitsoq annikitsoq nassaarineqarpoq, Imiak Hillimi sumiiffiit ilaannut assingulluni, avannaanut tallissutaani inissisimasoq.

Suliamik nangeqqiineq pingaaruteqarpoq paasiniarlugu nunap naqqata nikinnerata annertussusia Imiak Hillimi aatsitassannguuffimmi myonitzoneqarneranut pisuusoq.

Pitsaassutsinik misissuisarneq

Qillerummit qaqitanik misissueqqissaarnermit paasisat pitsaassutsimik qulakkeeriniarnermut aamma pitsaassutsimik misissuisarnermut suleriaatsip ilaatut nalilersorneqartarput, tassunga ilanngullugu misissueqqissaarnerit inernerisa eqqoqqissaassusai erseqqissusaalu aalajangerniarlugit atorneqartarlutik akuusut assigiinngitsut tamarmik, aatsitassat erlinnartut nalinginnaasullu ilisimaneqartut nalinginut pitsaassusissanut malitassat akuerisaasut, pitsaassusissanut malitassat imaqanngitsut aamma nakkutiginninnermi iliuusissat. Qillerummit qaqitanik misissueqqissaarnerit SGS Laboratories-imi Vancouver-imi Canadamiittumi suliarineqartarput. Misissueqqissaarnermi periaatsit pingasut ujaqqani misissugassani ALS-imut saqqummiunneqartuni akuusut annertussusaasa aalajangernissaannut atorneqartarput. Taakkua tassaapput 1. Syre-mik ammaanertalimmik akuusut assigiinngitsut tamaasa qarasaasiamik atortoqarluni misissoqqissaarneri aamma ICP / ICP-AES atorlugu naammassinera; 2. Au, Pt aamma Pd Fire assay misissugassami 30 gram-itut angissusilimmi ICP-AES atorlugu naammassinera; aamma 3. Ni-imik imaluunniit Cu-imik > 1,00%-imik akullit misissugassat misissoqqissaarneqaqqittarput natriumperoxid fusion ICP-AES atorlugu saffiugassap akuissusaa nassaarineqartarluni.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nickel aatsitassarsiorluni misissuinermut ingerlatseqatigiiffiuvoq Maniitsumi Kalaallit Nunaanniittumi aamma Sudbury-mi Ontario-miittumi kisermaassisussaatitaalluni suliassanut 100%-imik piginnittuusoq

Kalaallit Nunaanni Maniitsumi suliassaq nunap immikkoortuani nikkeleqarfiuvoq 3.601km2-isut annertussusilimmiittoq, nikkelinik-kanngussammik sulfid-inik aatsitassannguussimasunik qaffasissumik akuissuseqartunik arlalippassuarnik peqarfiusoq, GNB-imi (Kalaallit Nunaanni Norit-eqarfik) norit-inut allanullu mafisk-ultramafiske intrusiv-inut akuliussimasoq. Qaarsup iluani peqarfik >75 kilometerinik takissuseqartoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Sumiiffiit Post Creek/Halcyon periusissatigut KGHM International-ip oqaluttuarisaanermi Podolskyp kanngussannut-nikkelinut-platineqatigiinnut aatsitassarsiorfiani saniani inissisimapput. Sumiiffiit peqarfiusut Whistle Offset Dykep ilusaannut nangissutigalugu inissisimapput. Nunap sannaata ilusaanni taamaattuni annertuunik Ni-Cu-PGM-inik peqarfeqarpoq aammalu Sudbury-p sumiiffiani aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

SIULERSUISUT SINNERLUGIT
John Roozendaal, Pisortaq
North American Nickel Inc.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Tabeli 1:Misissuinermi inernerit
Putup
Normua
Uannga
(m)
Uunga
m)
Ujaqqap
Takissusia
(m)
Ni % Cu % Co % TPM
g/t
Misissugassaq
Regionale mål
MQ-14-066 94.00 94.32 0.32 1.62 0.32 0.04 0.19 P-013 Centre
101.55 101.87 0.32 1.65 0.18 0.04 0.15
117.63 118.16 0.53 1.55 0.23 0.03 0.07
133.57 134.48 0.91 2.23 0.32 0.07 0.12
149.28 149.99 0.71 1.52 0.70 0.04 0.17
AVG. 157.00 168.00 11.00 1.31 0.15 0.04 0.07
ilanngullugu 158.43 164.28 5.85 2.07 0.12 0.05 0.07
AVG. 201.20 223.94 22.74 0.50 0.15 0.02 0.04
ilanngullugu 203.35 205.49 2.14 1.79 0.31 0.07 0.12
MQ-14-068
AVG. 126.70 142.55 15.85 0.87 0.27 0.03 0.09 P-013 Centre
ilanngullugu 130.85 134.25 3.40 2.07 0.34 0.06 0.15
AVG. 156.00 176.60 20.60 0.13 0.04 0.01 0.01
MQ-14-069 NSV NSV NSV NSV P-013 SE
Imiak Hill Ataatsimoorfik
MQ-14-067 No Samples Imiak Hill

Malugiuk:Takissutsit takissusiviusinnaanngimmata, qaarsumut qillikkamut takissusiugamik
TPM – saviminissat annertussusaat (Au+Pt+Pd)
NSA – nalinga pingaaruteqanngitsoq

Tabeli 2: Qillerlugu putuliani paaissutissaq
Putup
Normua
UTM
Kangia
UTM
Avannaa
Portussusia
(m)
Takissusia
(m)
Aqqutaa Sivingassusia Sumiiffik
MQ-14-066 475094 7239992 303 365.00 125° -60° P-013 Centre
MQ-14-067 477649 7257056 523 495.00 260° -66° Imiak Hill
MQ-14-068 475094 7239992 303 232.00 125° -45° P-013 Centre
MQ-14-069 475342 7239847 307 142.00 183° -57° P-013 SE

Malugiuk: UTM WGS84 Zone 22N qillikkap koordinaatii

Attaveqarfissamut paasissutissat:
North American Nickel Inc.
Jaclyn Ruptash
Corporate Communications
604-986-2020 imaluunniit akeqanngitsoq: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4