TSX-V: nan Volume:

Navigation

North American Nickel nikkelinut paasisimasalik Ingerlatsiveqatigiiffimmut toqqarneqarpoq

May 15, 2014

Vancouver, Britisk Columbia - (Marketwired – 15. maj 2014) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatsiveqatigiiffik") matumuuna nalunaarutigivaa Ms Patricia Tirschmann nikkelimut paasisimasaqarluartutut Ingerlatsiveqatigiiffiullu geologiatut 12. Maj 2014-miit toqqagaasoq.

Patricia (Patti) Tirschmann geologiuvoq pikkorissoq, ukiut 25-ngajaat missuinermi aamma immikkut magmatisk nikkel-kanngussak sulfideqarfinni suliaqarsimalluni. Siuliani Ms. Tirschmann ukiut arfinillit misissuinerni Continetal Nikkel Limited-mi Præsidentiusimavoq, siuqqullugulu ukiut 18 sinnerlugit assigiinngitsuni suliaqartarluni, soorlu Senior Geologiulluni International Nikkelsulfid misissuinernut Falconbridge Limited-mi (massakkut Glencore Xstrata plc).

North American Nickel CEO, Rick Mark oqaaseqarpoq: “Patti sulisutsinnit ilisarisimaneqarpoq, pingaartumik Chef Geologitsinnut, John Pattison-imut, Falconbridgemi suleqatigiinnikuunertik pillugu. Patti ulluni pingasuni teknikkikkut Maniitsoq pillugu aprilip aallartinnerani ataatsimiinnermut qaaqquarput, iluaqutaaneralu tupaallaatigaarput. Patti toqqaannartumik suleqatigivaa, COO, Neil Richardson, paasissutissanillu Imiak Hill-imi allanilu qillikkanut tunngasut eqqartorlugit aallartereerlutik. Maniitsumi suliaq iluaqutigissavaa Pattip nunarsuarni allani nikkeleqarfiit pingaarutilinni ilisimasaqarnera taavalu Ntaka Hill suliami aallartinneraniit naammassinissaata tungaanut aatsitassanut naatsorsuinerni kivitsinermini misilittagai. Nuannaarutigaarput Patti Maniitsumi saviminissanik nikkelsulfiditalinnik ujaarlernermi peqataalernera.”

Contineltal Nickel-mi sulisuunermini, Ms. Tirschmann misissuinermi holdi akisussaaffigaa, nikkelsulfideqarfinnik arlaqartunik nutaanik nassaartunik taavalu saviminissaqarfinnik Ntaka Hill suliaq Tanzaniamiittumi aallartisaalluni. Falconbridgemi atorfini atatillugu, Ms. Tirschmann akisussaaffigivai ineriartortitsinerit, aallarniinerit aamma Canadami Sudburymi, Thompson, Raglan nikkeleqarfinni misissuinerni pilersaarusiornerit, nunanilu tamalaani nikkel- kanngussak-suliassani peqataanikuulluni soorlu, Norge, Kalaallit Nunaat, Alaska, Chile taavalu Australiami. Aammalu canadami avannarlermi akisussaaffigalugit ineriartortitsinerit taavalu Ingerlatsiveqatigiiffiup hyperspektrale paasissutissat atorlugit nikkelimik misissuisarnermut atuutsilerlugu. Ms. Tirschmann pigivai B.Sc. aamma M.Sc. geovidenskabimi annertussuseq University of Manitobami atuarnikuulluni, P. Geo-tullu Ontariomi allassimalluni.

North American Nickel pillugu
North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, aamma Thompson-imi, Manitoba-miittumi nikkeleqarfinni 100%-imik kisermaassisussaatitaalluni suliassani pisinnaatitaaffeqartoq. VMS Ventures Inc. (TSX VENTURE: VMS) NAN-mut 23,9% missaanik piginnittuuvoq.

Kalaallit Nunaanni Maniitsumi suliassaq nunap immikkoortuani nikkeleqarfiuvoq 3.601km2-isut annertussusilimmiittoq, nikkelinik-kanngussammik sulfid-inik aatsitassannguussimasunik qaffasissumik akuissuseqartunik arlalippassuarnik peqarfiusoq, GNB-imi (Kalaallit Nunaanni Norit-eqarfik) norit-inut allanullu mafisk-ultramafiske intrusiv-inut akuliussimasoq. Qaarsup iluani peqarfik >75 kilometeriut takissuseqartoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Sumiiffiit Post Creek/Halcyon periusissatigut KGHM International-ip oqaluttuarisaanermi Podolskyp kanngussannut-nikkelinut-platineqatigiinnut aatsitassarsiorfiani saniani inissisimapput. Sumiiffiit peqarfiusut Whistle Offset Dykep ilusaannut nangissutigalugu inissisimapput. Nunap sannaata ilusaanni taamaattuni annertuunik Ni-Cu-PGM-inik peqarfeqarpoq aammalu Sudbury-p sumiiffiani aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

SIULERSUISUT SINNERLUGIT
Neil Richardson, COO
North American Nickel Inc.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Evan Sleeman
604-986-2020 imaluunniit akeqanngitsoq: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4