TSX-V: nan Volume:

Navigation

Nunap qaavani elektromagnetiskemik aamma gravimetrisk geofysiskimik misissuinerit naammassipput nutaanillu naliginnaasuunngitsunik Maniitsoq nikkelsulfid suliassami Kalaallit Nunaanniittumi nassaartoqarluni

July 22, 2014

Vancouver, Britisk Columbia - (Marketwired – 22. juli 2014) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffiup") matumuuna nalunaarutigivaa nunap qaavani geofysiskimik aamma elektromagnetiskimik gravimetriskimillu naliginnaasuunngitsunik Ingerlatseqatigiiffiup Mannitsoq nickel-kanngussak-kobolt-PGM kisermaassisussaatitaalluni suliassaq tamakkiisumik pigisaani Kalaallit Nunaata kujataata kitaaniittumi nassaartoqartoq.

Nunap qaavani Time-Domain elektromagnetiskemik (TDEM) aamma gravimetriskimik Maniitsoq-suliassami aprilip qeqqani misissuinerit aallartipput, junillu qeqqani naammassillutik. Misissuinerit Crone Geophysics Mississauga, Ontariomeersumit naammassineqarput, sumiiffiillu marluk, Imiak Hill Ataatsimoorfik (IHK) aamma Fossilik misissuiffiginerusimallugit, siornatigut qillerinermi Ni-Cu-PGE-aatsitassannguunnerit aqqusaarneqarsimasut (Ilusiliaq 1 takuuk)

TDEM inernerigallartitat takussutissiipput EM naliginnaasuunngitsunik peqartoq aatsitassannguunnerit pioreersut geofysiskimillu misissugassat nutaat attuumassuteqarfigalugit. Gravimetriskimik inernerigallartut takussutissiipput Imiak aamma Fossilikimi nunap nutsuineranik naliginnaasuunngitsoqartoq aamma taakku attuumassuteqarfigivai noritisk intrusionit nunap qaavani sumiissusersiuinermi qillerinermilu nassaarineqartut. Nikkel-kanngussaqarfiit nunap noqitsineranik naliginnaasuunngitsuni peqarfiukkajuttarpoq.

NAN-ip pisortaa aamma CEO, Mark Fedikow, oqarpoq; “2014 misissuinissami pilersaarut aallartisarluarpoq, nunallu qaavani IHK-mi aamma Fossilikimi naammassineqarnissai misissuinitsinni pingaaruteqartut. Gravimetriskinik misissuinernik ukioq manna ilanngussinitsinni Ingerlatseqatigiiffiup Maniitsoq-sumiiffimmi misissuinermut sakkussatut naleqarluartuuvoq, 75 km noritisk intrusioninik peqarfiusoq. Nunap noqitsineranik naliginnaasuunngitsunik norit intrusioninik aatsitassannguuffinni marluusuni nassaarneq takutiippaa, gravimetriskimik misissuinerit mafiskit aamma ultramifiskit nunap iluaniittut sumiissusersissallugit misissueriaaseq pitsaasuusoq, ikiortigissallugu nikkel-kanngussak sulfid-aatsitassannguunerit agguataarnerini”.

TDEM uuttortaanerit 87 km-takissusilimmik IHK aamma Fossilik Maniitsoq-sumiiffik qeqqani inissisimasut naammassipput. Inerninik nassuiaanerit ilusilersuinerillu aallartipput, inernerit qilligassanut pioreersunut nutaanullu atorneqassapput taamatuttaaq taamatuttaaq qilligassaasinnaasunut nutaanut.

Gravimetriskimik IHKC-mi misissuinerit naammassineqarput, inernerillu ajunngeqisut tunngavigalugit, Fossilik-sumiiffimmi allanik gravimetriskimik misissuisoqarluni. Sumiiffinni tamani misissuinerit imarivai 50 meterikkaarlugit 200 meterinik nunap noqitsineranut uuttortaanerit siammasissut, naliginnaasumik 500 meterikkaartuni. Gravimetriskimik uuttortaanerit katillugit 944-ruupput. Oqaaseqaatit ingerlanneqartut toqqammaveqarput paasissutissak ilusilersuinerni.

IHK eqqaani (ilusiliaq 2 takuuk), naammattoorneqarpoq nunap noqitsineranik naliginnaasuunngitsut noriteqarfiit nassaarineqarnikut killeqarfianni inissisimaqatigigai. Gravimetriskimik ilusilersuinermi takutippaa naliginnaasuunngitsoq ataaseq Spotty Hillimi norit aatsitassannguunneq inissisimaqatigigaa. Taanna nunap noqitsineranik naliginnaasuunngitsoq Spotty Hillimi qillerinerit tikippai, avannaq kippasimmullu aamma Imiak Northimi inissisimalluni. Angineq ataatsimoornerlu nunap noqitsineranik naliginnaasuunngitsoq alla, Imiak Hill noriteqarfik aatsitassannguuffiup eqqaani inissisimavoq. Taassuma naliginnaasuunngitsup affaa Imiak Hill qilleriffiup kujataata tungaanut inissisimavoq aappaalu avannaq kippasimmut.

Fossilik-sumiiffimmik IHK-mit 9 kilomerimik kujasik kippasimmut inissisimasoq (Ilusiliaq 3 takujuk); gravimetriskimik uuttortaanermi Fossilik noriteqarfimmut 1,5 km x 2,5 km nunap noqitsineranik naliginnaasuunngitsoq atasaoq nassaarineqarpoq. Nunap qaavani nikkel-aatsitassannguunnerit aamma nikkel-aatsitassannguunerit aqqusaartut qanga qillerinerni Ingerlatseqatigiiffiullu qillerineri siulii nunap noqitsinerata naliginnaasuunngitsup kujataata kitaani kitaanilu killingani inissisimapput.

Inerninik nassuiaanerit ilusilersuinerillu aallartipput, kisiannili inernerigallartut takutereerpaat, gravimetriskimik paasissutissat sumiissusersinernut nunallu iluani noritiskit annertussusaanut sakkutut iluaqutaassasut, pingaartumik magmatiskimut paasissutissanut, naliginnaasuunngitsut aamma noritiskit aatsitassannguunerit assingutikkuminaattut. Assinik allat nunaq noqitsineranik naliginnaasuunngitsunit ingerlatseqatigiiffiup nittartagaani takuneqarsinnaapput.

Qualified person
Nalunaarummi matumani teknikkikkut paasissutissat tamarmik Dr. Mark Fedikow-imit, P. Geo, tassaasoq Qualified person kiisalu North American Nickel Inc.-imi pisortaq misissorneqareerput.

North American Nickel pillugu
North American Nickel aatsitassarsiorluni misissuinermut ingerlatseqatigiiffiuvoq Maniitsumi Kalaallit Nunaanniittumi aamma Sudbury-mi Ontario-miittumi kisermaassisussaatitaalluni suliassanut 100%-imik piginnittuusoq.

Kalaallit Nunaanni Maniitsumi suliassaq nunap immikkoortuani nikkeleqarfiuvoq 3.601km2-isut annertussusilimmiittoq, nikkelinik-kanngussammik sulfid-inik aatsitassannguussimasunik qaffasissumik akuissuseqartunik arlalippassuarnik peqarfiusoq, GNB-imi (Kalaallit Nunaanni Norit-eqarfik) norit-inut allanullu mafisk-ultramafiske intrusiv-inut akuliussimasoq. Qaarsup iluani peqarfik >75 kilometeritut takissuseqartoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Sumiiffiit Post Creek/Halcyon periusissatigut KGHM International-ip oqaluttuarisaanermi Podolskyp kanngussannut-nikkelinut-platineqatigiinnut aatsitassarsiorfiani saniani inissisimapput. Sumiiffiit peqarfiusut Whistle Offset Dykep ilusaannut nangissutigalugu inissisimapput. Nunap sannaata ilusaanni taamaattuni annertuunik Ni-Cu-PGM-inik peqarfeqarpoq aammalu Sudbury-p sumiiffiani aatsitassarsiorfiit tunisassiorfiusut tassaniillutik.

Post Creek/Halycon-imi suliassaq KGHM International´s Podolsky-mi kanngussannut-nikkelinut-platin-nut peqarfia sinerlugu periusissatigut inissisimavoq. Sumiiffik peqarfiusoq Whistle Offset Dyke-p ilusaanut nangissutigalugu inissisimavoq. Nunap sannaata ilusai taamaattut Ni-Cu-PGM-inik annertoorujussuarnik peqarfeqarput aammalu Sudbury-mi sumiiffimmi aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

SIULERSUISUT SINNERLUGIT
John Roozendaal, Pisortaq
North American Nickel Inc.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Asseq uunnga tusagassiuutitigut nalunaarummut tunngasoq takuniarukku, una iserfigiuk: http://media3.marketwire.com/docs/958596a.pdf.

Attaveqarfissamut paasissutissat:
North American Nickel Inc.
Evan Sleeman
604-986-2020
Akeqanngitsoq: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4