TSX-V: nan Volume:

Navigation

North American Nickel Inc.: Maniitsoq Qillerinerit- aamma Assartuinermi isumaqatigiissutit inissipput

March 26, 2015

Vancouver, Britisk Columbia - (Marketwired – 26. marts, 2015) - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffiup") matumuuna nalunaarutigivaa, qillerinerit- aamma aassartuinermi isumaqatigiissutit 2015-mi Ingerlatseqatigiiffiup Maniitsoq nikkel-kanngussak-kobolt-PGM kisermaassisussaatitaalluni suliassaq tamakkiisumik pigisaani Kalaallit Nunaata kujataata kitaaniittumi inissipput.

George Downing Estate Drilling Ltd. (Downing Drilling), Hawkesbury, Ontario-miittoq diamintimik qillerinissamut isumaqatigiissummik tunineqarpoq, taavalu Xploration Services Greenland A/S Nuuk, Kalaallit Nunaanniittoq Assartuussinissamut/Camp isumaqatigiissummik pilluni. Ingerlatseqatigiiffiit taakku marluk misissuinermi suliassanik misilittagaqarluarput taavalu Xploration Services Maniitsumi Ingerlatseqatigiiffiup misissuineri tamarmik ilaaffiginikuullugit.

QILLERINERIT

2014 ingerlanerani misissuinissamut pilersaarummi Ingerlatseqatigiiffik Imiak Hill Ataatsimoorfimmi (IHK) qillerinit nangippai misissuiffissallu nutaat misilittarlugit. IHK-mi, Ingerlatseqatigiiffiup Mikissoq aamma Spotty Hill eqqaani aatsitassannguuffik ilaqqippaa, geologiskimillu ilusaanut paasisat ilaqqillugit. Qillerinerillu nutaat P-053 eqqaani peqarfiit nutaat aqqusaarneqarlutik off-hul qillerlugu putuliani elektromagnetiskimik naliginnaasuunngitsut saviminermut aqqutigilluarput pingasut nassaarineqarlutik. Sumiiffiit taakku marlunni 2015-mi qillereqqiffiussapput.

Geologiskimik, qillerisut- aammalu kiffartuussisut sulisut juni aallartinnerani naatsorsuutigineqarpoq campimiissasut kingunitsialu qillerinerit aallartinneqassallutik.

Downing Drilling 1947-mili aallartippoq, assigiinngitsunik aamma ineriartortunik qilleruteqartarlutik. Ingerlatsinermi aningaasartutinik paasinnilluartuupput, taamatuttaaq isumannaallisaanerit qaffasinnerpaat atortarpaat avatangiisinullu assinganik isumannaallisaaneq ingerlallugu.

Downing qillerinikkut misilittagaqarfigaa Canada-mi, Afrika, Haiti, Jamaica, Tyrkiet aammalu USA-mi. Immikkoortortaqarpoq Ottawa-mi aamma Montreal, Abitibi-Tèmiscamingue sumiiffik aamma Duluth, MN, USA allaffeqarfeqarluni Thunder Bay-mi, Schefferville aamma Labrador City.

ASSARTUINEQ/CAMPIMI SULLISSINEQ

Xploration Services Greenland A/S (maannamiit XS), North American Nickel Inc.-lu allaffissorneq- aamma assartuussinermik isumaqatigiissuteqarput. XS akisussaaffigissavaa suliaq aallartinnginnerani pilersaarusiorneq; campiliorneq; campi ingerlatinnera, nerisaqartitsineq ilaalluni; campimik piiaaneq aammalu suliap naammassinerani naliliineq. Tassani ilaavoq assartuinerit tamarmik aamma apeqqutit NAN-ip 2015 Misissuinissamut- aamma Qillerinissamut pilersaarutaanut.

XS NAN sinnerlugu, allaffissornerit nalunaarsugassani peqqussutinut ikiutaassalluni, peqqussutaasumi. XS aamma suliarissavaa akileraartarnikkut oqartussanut tusarniaaneq, Mineral Licens aamma Safety Authority(MLSA) kommunenilu Kalaallit Nunaanni sisamaasuni suliffeqarfimmut apeqqutit, sulisoqarnermut aamma sullissisuunissamut.

Piukkunnartoq Inuk

Nalunaarummi matumani paasissutissat tamarmik Patricia Tirshmann-imit, P. Geo, tassaasoq Piukkunnartoq inuk Ingerlatseqatigiiffimmi Misissuinermi Pisortap tulllersortia North American Nickel Inc-mi misissorneqareerput.

North American Nickel pillugu

North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, 100%-imik kisermaassisussaatitaalluni suliassani pisinnaatitaaffeqartoq.

Kalaallit Nunaanni Maniitsumi suliassaq nunap immikkoortuani nikkeleqarfiuvoq 2.954km2-isut annertussusilimmiittoq, nikkelinik-kanngussammik sulfid-inik aatsitassannguussimasunik qaffasissumik akuissuseqartunik arlalippassuarnik peqarfiusoq, GNB-imi (Kalaallit Nunaanni Norit-eqarfik) norit-inut allanullu mafisk-ultramafiske intrusiv-inut akuliussimasoq. Qaarsup iluani peqarfik >75 kilometerinik takissuseqartoq Kalaallit Nunaata kujammut kimmuinnaq sineriaa ukioq tamaat sikusanngitsoq sinerlugu inissisimavoq.

Sumiiffiit Post Creek/Halcyon periusissatigut KGHM International-ip oqaluttuarisaanermi Podolskyp kanngussannut-nikkelinut-platineqatigiinnut aatsitassarsiorfiani saniani inissisimapput. Sumiiffiit peqarfiusut Whistle Offset Dykep ilusaannut nangissutigalugu inissisimapput. Nunap sannaata ilusaanni taamaattuni annertuunik Ni-Cu-PGM-inik peqarfeqarpoq aammalu Sudbury-p sumiiffiani aatsitassarsiorfiit tunisassiorfiusut tassaniillutik.

Ingerlatseqatigiiffiup siunissami isumalluarfigisai pillugit nalunaaruteqarnerit, aammalu tusagassiuutitigut nalunaarummi matumani nalunaaruteqarnerit allat tamarmik, oqaluttuarisaanermi pissusiviusut eqqaassanngikkaanni, tassaapput Securities Act-imi 1933-imeersumi paragraf 27A,-imi, Securities Exchange Act-imi 1934-imeersumi paragraf 21E-imi nassuiarneqartutut, aammalu oqariaatsip taassuma Reform Act-imi 1995-imeersumi inuinnaat eqqartuussivimmi suliakkiissuteqartarneranni nassuiarneqarnera malillugu "siunissamut sammisumik nalunaaruteqarnerit ". Ingerlatseqatigiiffiup siunertaraa siunissamut sammisumik oqariartuuteqarnerni taamaattuni Safe-Harbour-imi tunngaviusut, taakkua kingunerisarisaat malinneqassasut. Oqariartuuteqarnerni taakkunani aarlerinaataasut nalorninartortaqartullu ilaammata, taamaalillunilu sukkulluunniit allanngortinneqarsinnaallutik, ingerlatseqatigiiffiup pissusiviusuni angusai, angusassatut naatsorsuutigineqartunit annertuumik allaanerusinnaapput.

SIULERSUISUT SINNERLUGIT
Mark Fedikow præsidenti
North American Nickel Inc.

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

Attaveqarfissamut paasissutissat:
North American Nickel Inc.
Jaclyn Ruptash
Corporate Communications
604-986-2020 imaluunniit akeqanngitsoq: 1-866-816-0118

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4