TSX-V: nan $0,28 -$0,01 -1,75% Volume: 29.009 April 16, 2021

Navigation

2016 MANIITSOQ NUNAMI SULIAQARNERMUT PILERSAARUT INGERLANNEQARPOQ

July 6, 2016

Vancouver, British Columbia, 6. juuli, 2016 - North American Nickel Inc. (TSX VENTURE: NAN) (OTCBB: WSCRF) (CUSIP: 65704T 108) ("Ingerlatseqatigiiffik" imaluunniiit "NAN") matumuuna nalunaarutigivaa 2016-mut misissuinermut pilersaarut kingulleq ingerlatseqatigiiffiup tamakkiisumik pigisaani Maniitsoq nikkel-kobber-kobolt-PGM-suliaq Kalaallit Nunaat kitaata kujataanittumi.

Ingerlatseqatigiiffiup pingaarnertut ukioq manna siunniuteqqavaa, aatsitassannguuffinni qillereqqinnissat, nalilersorniarlugu taakkunani aatsitassaqarfiusuni akoqassusiata annertussusaa. Taamatuttaaq ingerlatseqatigiiffiup aaqqissuussaasumik taakkunani sumiiffinni Maniitsup eqqaaniittumi misissuinissani, aammalu ingerlatseqatigiiffiup CSR aamma sumiiffinni suliaqarnerit nangeqqiinnassallugit.

2016-mi misissuinerup imarivaa miss. 10.000 meterimik qillerinerit, nunap qaavani taavalu qillerlugu putuliani geofysikki, sumiissusersiuinerit, misissugassani katersinerit, nunap qaavani aatsitassarsiorluni misissuinerit, geologiskimik sannaavi misissorneri 3D-assilianngortitsinerillu.

Ingerlatseqatigiiffiup misissuinermi pilersaarutaani ineriartortitsineq pingaaruteqarnertut inissisimavoq, geofysiskinik misissuinerni sakkussat assigiinngitsut nutaat periaatsit ataqatigiissaartinneri. Nunap qaavani nunap ilusaanik misissuinerit, sumiissusersioqqissaarnerit aammalu 3D-mik assilianngortitsinerit, qillerinernut nunap qaavanilu geofysikkimik suliat ataqatigiissaarneqassapput qillerinissat eqqorluarnerunissaat anguniarlugu. Suliaqarfik tamaat isigalugu WW satelitsikkut assit taavalu lithogekemiske paasissutissat ataqatigiissaarneqassapput, silaannakkut aamma nunap qaavani geofysikkimik suliaqarnerni paasissutissat najoqqutaralugit Norit-stratigrafi annertussusia naatsorsorniarlugu, taavalu misissuiffissani qilleriffigisassat tulleriiaarneqarnissaanut.

Suliaqarnermi isumaqatigiissutit ukununnga tunniunneqarput Boart Longyear aamma Crone Geophysics and Exploration Ltd., Mississauga, Ontario, taamatuttaaq Insight Geophysics Inc., Oakville, Ontario. Assartuinerni isumaqatigiissut Xploration Services Greenland A/S aamma Air Greenland A/S-mut tunniunneqarput, Nuuk, Kalaallit Nunaat.

Atortussat sulisullu suliaqarfissamut junip naanerani apuunneqarput, misissuinermi suliat soorlu qillerinerit aallartereerlutik. Suliaqarnissamut pilersaarut naatsorsuutigineqarpoq septemberi aallartinneranut tallineqassasoq.

North American Nickel pillugu

North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, 100%-imik kisermaassisussaatitaalluni suliassani pisinnaatitaaffeqartoq.

Kalaallit Nunaanni Maniitsumi suliassaq nunap immikkoortuani nikkeleqarfiuvoq 2.985km2-isut annertussusilimmiittoq, nikkelinik-kanngussammik sulfid-inik aatsitassannguussimasunik qaffasissumik akuissuseqartunik arlalippassuarnik peqarfiusoq, GNB-imi (Kalaallit Nunaanni Norit-eqarfik) norit-inut allanullu mafisk-ultramafiske intrusiv-inut akuliussimasoq. Qaarsup iluani peqarfik >75 kilometerinik takissuseqartoq Kalaallit Nunaata kujammut kimmuinnaq sineriaani Seqi itisuumik talittarfik taassuma iluaniittoq (takuuk NAN tusagassiuutitigut nalunaarutaa 19 januar 2015) ukioq kaajallallugu taliffigineqarsinnaasoq erngullu nukinganik nukissiuutiliornissamut periarfissaqarluartoq.

Sumiiffiit Post Creek/Halcyon periusissatigut KGHM International-ip oqaluttuarisaanermi Podolskyp kanngussannut-nikkelinut-platineqatigiinnut aatsitassarsiorfiani saniani inissisimapput. Sumiiffiit peqarfiusut Whistle Offset Dykep ilusaannut nangissutigalugu inissisimapput. Nunap sannaata ilusaanni taamaattuni annertuunik Ni-Cu-PGM-inik peqarfeqarpoq aammalu Sudbury-p sumiiffiani aatsitassarsiorfiit tunisassiorfiusut tassaniillutik.

SIULERSUISUT SINNERLUGIT

Mark Fedikow præsidenti
North American Nickel Inc.

Paasisaqarnerorusukkuit nalunaarfissaq:
North American Nickel Inc.
Jaclyn Ruptash
Corporate Communications
604-986-2020 imaluunniit akeqanngitsoq: 1-866-816-0118

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4