TSX-V: nan $0,28 -$0,01 -1,75% Volume: 29.009 April 16, 2021

Navigation

NORTH AMERICAN NICKEL ANINGAASALIINEQ PISORTATIGOORTUMIK NALUNAARUTIGIVAA

July 27, 2016

Vancouver, British Columbia, 27. juuli, 2016 - North American Nickel Inc. ( "Ingerlatseqatigiiffik" imaluunniit "NAN") (TSX VENTURE: NAN) (OTCBB: WSCRF) (CUSIP: 65704T 108) matumuuna nalunaarutigivaa, piginneqataanissamut isumaqatigiissut tuniniaasoqarnani naammassineqarsimasoq ("aaliangersimasumut tuniniaaneq") 67.331.093 aktiat piginneqataassutit ("piginneqataassutit") CAD 0,075 ataaseq nalilik katillugit CAD 5.049.831,98-nik iluanaarutilik, Sentient Executive GP IV, Limited-mut tunineqartut (Sentient Global Resources Fund IV, LP)-i sinnerlugu (taaneqartoq"Sentient").

Ingerlatseqatigiiffiup piginneqataassut ataaseq imarissagai aktia naliginnaasoq ataaseq(“Aktia”) taavalu aktia optioni ataaseq aktiat naliginnaasut marluugaangata("Optioni"). Optioni ataaseq piginnittumut periarfissiissasoq aktiamik naliginnaasumik ataatsimik pisisinnaanissaa (ataaseq "Aktieoptioni") qaqugukkulluunniit 05:00 qaangertinnagu (Toronto piffissaa malillugu) qaammatini 24-ni pissarsiassat pisiarinerata iluani CAD 0,12-mik nalilimmik.

Sentient, qanimut ingerlatseqatigiiffimmut suleqataasoq, piginnittoq imaluunniit akisussaasuusoq 155,812,063 aktianut (imaluunniit miss. 51,7% ingerlatseqatigiiffiup aktiaatai) aammalu 36.544.198 aktia optionit.

Sentienti qanimut suleqataasuummat, aktianik pisinera "qanimut suleqatigiit nuussinerat"-tut isigineqarpoq, multilaterale Instrument 61-101 Protection of Minority Security Holders in Special Transactions ("MI 61-101")-mi aaliangiunneqarnikumi. Ingerlatseqatigiiffik MI 61-101-mi immikkoortoq 5.5 (b)-miittoq naliliinermut piumasaqaatit malinniarnagit aaliangerpoq, pissutigalugu aktiaatai TSX Venture Exchange-mi ("TSXV") allattorsimasuutigineqareeramik taavalu niueqatigiinnerni aaliangersimasuni ilaannginnami. Kisiannili una aaliangersimasumut tunisineq piginneqataasuniit minnernit akuerineqarpoq (MI 61-101 malillugu), aamma Ingerlatseqatigiiffiup taanna akuersineq immikkut ittumik piginneqataasut ataatsimiinneranni ingerlanneqarpoq TSXV-ip politikkia aamma MI 61-101 malillugu. Una aaliangersimasumut tunisineq Ingerlatseqatigiiffiup siulersuisuinit akuerineqarpoq.

Taakku piginneqataassutsit (aamma aktiat piginneqataassutsini ilaasut) aaliangersimasumut tunisinermi tunineqartut, qaammatini sisamani uninngagalartinneqassapput aaliangersimasumut tunisinerup matussuserneqarnerata kingorna. Matussuserneqarnera piginneqataasunit minnernit aamma TSXV-mit akuerineqarpoq. Aaliangersimasumut tunisinermi iluanaarutit misissuinermut, suliap ineriartortinneranut taavalu naliginnaasumik ingerlatsinermut atorneqassapput.

Una tusagassiuutitigut nalunaarut imarinngilaa USA-mut imaluunnit "USA-mi inuit" aktianik tuniniaaneq, ("amerikarmiut"), taanna termi nassuiarneqartoq Regulation S-mi aaliangiunneqarsimasoq United States Securities Act of 1933 malillugu, kingusinnerusukkut allannguisoqarsimasoq, ("The U.S. Securities Act "). Aktiat taakku tuniniarneqartut ,U.S. Securities Act ataani tuniniarneqarnikuunngillat imaluunnit tuniniarneqarnavianngillat , aamma USA-mi tuniniarneqarnavianngillat imaluunniit tunineqarnavianngillat, taavalu amerikarmiunut nalunaarsuutinut ilaanngitsunut taavalu nalunaarsuinermut piumasaqaatinut immikkut ittumik nalunaarsorneqarnikunut.

North American Nickel pillugu

North American Nikkel tassaavoq aatsitassarsiorluni misissuinermut ingerlatseqatigiiffik Maniitsumi Kalaallit Nunaanniittumi, Sudbury-mi Ontario-miittumi, 100%-imik kisermaassisussaatitaalluni suliassani pisinnaatitaaffeqartoq.

Kalaallit Nunaanni Maniitsumi suliassaq nunap immikkoortuani nikkeleqarfiuvoq 2.985km2-isut annertussusilimmiittoq, nikkelinik-kanngussammik sulfid-inik aatsitassannguussimasunik qaffasissumik akuissuseqartunik arlalippassuarnik peqarfiusoq, GNB-imi (Kalaallit Nunaanni Norit-eqarfik) norit-inut allanullu mafisk-ultramafiske intrusiv-inut akuliussimasoq. Qaarsup iluani peqarfik >75 kilometerinik takissuseqartoq Kalaallit Nunaata kujammut kimmuinnaq sineriaani Seqi itisuumik talittarfik taassuma iluaniittoq (takuuk NAN tusagassiuutitigut nalunaarutaa 19 januar 2015) ukioq kaajallallugu taliffigineqarsinnaasoq erngullu nukinganik nukissiuutiliornissamut periarfissaqarluartoq.

Sumiiffiit Post Creek/Halcyon periusissatigut KGHM International-ip oqaluttuarisaanermi Podolskyp kanngussannut-nikkelinut-platineqatigiinnut aatsitassarsiorfiani saniani inissisimapput. Sumiiffiit peqarfiusut Whistle Offset Dykep ilusaannut nangissutigalugu inissisimapput. Nunap sannaata ilusaanni taamaattuni annertuunik Ni-Cu-PGM-inik peqarfeqarpoq aammalu Sudbury-p sumiiffiani aatsitassarsiorfiit tunisassiorfiusut tassaniillutik.

Siumoortumik oqaaseqaatinut sillimaqqussut

Tusagassiuutitigut nalunaarut una “siumoortumik paasissutissiinerit”-nik imaqarpoq canadami pappilissanik nalilinnut inatsimmi nassuiaatsit malilullu aamma “siumoortumik oqaaseqaatit” U.S pappilissanik nalilinnut inatsimmi nassuiaatit malillugit. Siumoortumik oqaaseqaatit makkua ilisarnaatigikkajuttarpaat: Ilimagineqarpoq, naatsorsuutigineqarpoq, siumut takoreerneqarpoq, najoqqutarineqarpoq, naatsorsorneqarpoq, pilersaarutigineqaroq, uteriissutigaa ilaalu ilanngullugit, taamatutaaq oqaatigineqartut siunissamut pisussat. Oqaaseqaatit tamarmik piviusunik paasissutissartaqanngitsut tamarmik siumoortumik oqaaseqaatinut ilaapput. Uani tusagassiuutitigut nalunaarummi siumoortumik oqaaseqaatit makkuupput: Oqaaseqaatit teknikkikkut paasissutissat aatsitassanut tunngasut. Aningaasaliinissamut killeqarneq ingerlatseqatigiiffiup pilersaarutaannut pilersitsisinnaaneranut kinguneqarsinnaavoq. Taamaakkaluartoq ingerlatseqatigiiffiup uani tusagassiuutitigut nalunaarummi siumoortumik oqaaseqaatit naammaginartikkaluarlugit, ilimasuutit taavalu oqaaseqaatini eqqaaneqartut piviusunngorsinnaanissai neriorsuutigisinnaanngilaa. Ingerlatseqatigiiffiup aningaasaliiniartut sillimaqquai eqqaamassutigeqqullugulu ingerlatseqatigiiffimmit siumut oqaatigeriikkat siunissamut inernissanut aamma angusassanut neriorsuutaanngitsut, taamatuttaaq inernerit piviusut siumut oqaatigeriikkaniit annertuumik nikingassuteqarsinnaasut pissutaasinnaasut assigiinngitsut peqqutigalugu soorlu makkuusinnaasut: Niuernerut allanngorarnera, aatsitassap nassaarineqartup ilisarnaataa, pitsaassusia annertussusialu; savimernit akii, akit allat aningaasartuutillu; nunap aningaasaataasa nalingi; ingerlatseqatigiiffiup akuersissutinik pisinnaanera, isumaqatigiissusiornerit aamma akuersissutit ingerlatseqatigiiffiup suliaanut pingaarutillit; ingerlatseqatigiiffiup aningaasaliinissamut pisinnaanera taamatuttaaq ingerlatseqatigiiffiup akuersissuteqarfinni angusaqarluartumik akilersinnaasumillu aatsitassiornera, ineriartorneq pilersaarutaasoq malinnissaa taamatuttaaq ingerlatseqatigiiffiup niuernikkut pilersaarutaanik atuutsitsilerneq allallu kingunerlutsitsisinnaasut ingerlatseqatigiiffiup ukiumoortumik nalunaarutaani allaqqasut, najoqqutassaq 20-F, ukiumoortumik paasissutissiinermut najoqqutassaq allallu pisortatigoortumik nalunaarutit SEC-mi aamma canadami pappiaqqat nalilinnut pisortat. Taakkua ukunani takuneqarsinnaapput www.sec.gov aamma www.sedar.com.

U.S.-mit aningaasaliisunut sillimaqqussut

Aatsitassannguunnernut aamma teknikkikkut paasissutissanut missingersiuinerit ilaasut, imaluunniit tunngasut uani tusagassiuutitigut nalunaarummiittut NI 43-101 malillugu suliaapput. NI 43-101 najoqqutaralugu ilimanaateqartut nassuiarneqartut SEC Industry Guide 7-mit nikingassuteqarput. SEC Industry Guide 7 malillugu “inaarut” imaluunniit “aningaasaliiffiusinnaasoq” akilersinnaanermut misissuinermi piumasaqaataavoq pissamaatit nalunaarutigissallugit, ukiuni pingasuni kingullerni agguaqatigiissillugu akit pissamaatini aamma aningaasat kaaviaartitani misissukkani atorneqassapput. Avatangiisimut misissuinerit pingaarnerit imaluunniit nalunaarsuutit akisussaasunut attuumassutilinnut tunniunneqassooq. Tamanna isumaqarpoq pissamaatit ingerlatseqatigiiffimmit NI 43-101 malillugu nalunaarutigineqartut “pissamaatit”-tut SEC maleruagassaanitut aaliangiusimaneqarsinnaasut. Ilanngullugu nassuiatit “aatsitassaq”, “aatsitassaq uuttortarneqarnikoq”, “aatsitassaq nassaarineqarnikoq” aamma “aatsitassaasorisaq” NI 43-101 malillugu nassuiaatigineqarput, nassuiaatilli taakkua SEC Industry Guide 7 malillugu atorneqanngillat aammalu naliginnaasumik taakkua nalunaarusia atorneqaqqusaanngillat SEC malilillugu. Aatsitassat aatsitassaqarfinni inissisimanngitsut aningaasaqarnissamut pataattutut nassuiarneqanngillat. Aningaasaliisut malinnaalluarnermik aamma aatsitassaqarfiit nalorninartoqarneranut malinnaalluassasut, imaluunniit taakkua pissamaatissatut inissisimalersinnaannginnissaanut. “aatsitassaqarfittut taasat” annertussusiannut annertuumik nalorninartortaqarsinnaapput, aningaasaqarnikkut iluaqutissartaqarneranut aamma akilersinnaanerannut. Naatsorsuutigineqarsinnaanngilaq “aatsitassaqarfittut taasat” iluitsuusumik ilaannakumilluunniit pingaarutilittut annermik inissinnissaat. Canada-mi pappilissanut nalilinnut inatsit malillugit aatsitassanut taasanut missingersuutit akilersinnaasutut imaluunniit akilersinnaanerinut misissuinerit toqqammaveqartut, ilaatigooriarlutik pisut eqqaassanngikkaanni. Aammattaaq pisortatigoortumik nalunaarnerit aatsitassannguuffimmi “imarisaata oqimaassusia” inerteqqutaanngilaq canadami pappilissanut nalilinnut inatsisit malillugit, SEC-li kisimi akuerivaa ingerlatseqatigiiffiit nalunaarutigissagaat aatsitassannguunnerit “pissamaatit”-nut ilaanngitsut SEC maleruagassat malillugit. Tassani ilaapput akoqassusia kisianni uuttuut aliangersimasuunngitsoq. Qulaani paasissutissat taakkartorneqartut uani tusagassiuutitigut nalunaarummi ingerlatseqatigiiffiup aatsitassannguuffii sannilliussinnaasariaqanngillat U.S.-mi ingerlatseqatigiiffiit pisortatigut nalunaarutigisartagaanni paasissutissanut USA-mi pappilianut nalilinnut inatsisinut maleruagassanullu atuuttumik sanaajusunut.

SIULERSUISUT SINNERLUGIT

Mark Fedikow præsidenti
North American Nickel Inc.

Paasisaqarnerorusukkuit nalunaarfissaq:
North American Nickel Inc.
Jaclyn Ruptash
Corporate Communications
604-986-2020 imaluunniit akeqanngitsoq: 1-866-816-0118

TSX Venture Exchange imaluunniit taassuma sullissisui (TSX-imi aningaasanut niuerfiup malittarisassaanni nassuiarneqartutut), nalunaarutip matuma tulluassusaanut imaluunniit eqqoqqinnaassusaanut akisussaatinneqarsinnaanngillat.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4