TSX-V: nan $0,18 +$0,01 +2,94% Volume: 2.894 October 29, 2020

Navigation

maniitsoq takussutissat

Maniitsoq suliaqarfissaq Kalaallit Nunaanni inissisimasoq 2.985 km2-nik annertutigivoq, nikkel-kanngussak-kobolt-PGM aatsitassannguunnernik arlalinnik peqarfiusoq mafiskeni taavalu ultra mafiskeniittuni Kalaallit Nunaata Noriteqarfiani (GNB). Taanna >75 kilometerinik takitigisoq aatsitassaqarfik Kalaallit Nunaata kujataata kitaani inissisimavoq, umiarsuanullu annernut talittarfik Seqi talittarfik tassani inissisimalluni. Sumiiffik ukioq kaajallallugu taliffigineqarsinnaavoq, pingaarutilimmillu erngup nukinganik innaallagissiorfeqarsinnaalluni. Kalaallit Nunaat nunaavoq demokratiimik ingerlasoq, aatsitassiornikkut tutsuiginartoq paasiuminartunik inatsisilik, aatsitassiornermut skatti unammilleruminartut nunamillu akuersissuteqarnissanik ajornartorsiuteqanngitsoq (Ilusiliaq 1 & 2). akuersissuteqarfiit North American Nickel Inc.-mit tamakkiisumik pigineqarput.

Suliaqarfik Nuumminngaanniit – Kalaallit Nunaata illoqarfiit pingaarnersaat - 125 kilometerinik avannamut inissisimavoq misissuinissamullu akuersissutinik marlunnik ataqatigiittunik immikkoortinnikuulluni (registreringsnumre 2011/54 aamma 2012/28) Maniitsup taavalu nunaqarfiup Napasoq kangiani inissisimasoq.

Siornatigut suliaqarfissami suliat (1959-1973) imarinikuuai geologiskimik sumiissusersiuinerit, nunami angalaarluni misissuineit aamma itisunngitsunik qillerinerit. Taassuma inernerivaa nikkel-kanngussanik noritintrusiveqarnera 15 x 75 kilometerinik nassaarineqarnera, taaneqartartoq Kalaallit Nunaata Noriteqarfia(GNB). Siornatigut qillerinerit imarivai malunnaatilinnik aqqusaarinninnerit, Imiak Hill-imi inissisimanerullutik, soorlu qillerlugu aqqusaagaq 9,85 meteri akorigaa 2,67% Ni aamma 0,60% Cu. 1995-mi GNB-mi silaannakkut GeoTEM atorlugu misissuisoqarpoq, ingerlatsisoralugit Danmarks og Grønlands Geologiske Undersøgelser (GEUS), taavalu Geoterrex Limited-mit ingerlanneqarluni. 1995 aamma 2000 akornanni misissuinerit aatsitassarsiornermut ingerlatseqatigiiffiit annerit suliaq nangippaat: Cominco aamma Falconbridge. Ingerlatseqatigiiffiit taakku qillerinngillat, kisiannili taakku ingerlatseqatigiiffiit marluk tamarmik qillerilluni siornatigut inernerit misissoqqissaaqqippaat uppernarsillugulu qillerinermi aqqusaakkat akugilluartut arlaqartut GNB-mi nikkeltenoriniinnerusut.

Akuersissutit tiguneqareernerini NAN 6.718-kilometerinik qulimiguulimmik SkyTEM/VTEM misissueriaatsit atorlugit timmisimavoq 2011 aamma 2013 akornanni. Misissuinerit GNB-mut sukumiinerusimapput, 200 elektromagnetiske (EM) naliginnaasuunngitsut nassaarineqarsimallutik. EM naliginnaasuunngitsit toqqarneqarsimasut 3D-nngorlugit ilusilersorneqarput, kingornalu qilleriffigineqarlutik. Noriti aatsitassannguunnertalik sumiiffinni assigiinngitsuni aqqusaarneqarsimapput soorlu ukunani: P-004, P-013, P-053, P-058, P-097, P-136, P-146 aamma P-149 misissuiffissaasuni. 2012-miit 2014 tungaanut qillerinerit affai sinnerlugit ingerlanneqarput Imiak Hill ataatsimoorfimmi aatsitassannguunnerit noritintrusivit pingasut misissorniarlugit sumiiffiit assigiinngitsut soorlu makkuupput: Imiak Hill, Mikissoq aamma Spotty Hill. Taakku misissuinerit peqarfiit mattusuunik sulfidinik siammasissunik sumiiffinni pingasuusuni nassaariffigineqarput soorlu ilagigaa qillerilluni aqqusaagaq pingaaruteqartumik akugilluartoq 18,6 meteri 4,31% Ni aamma 0,62% Cu qillerlugu putuliami MQ-13-026 Imiak Hill-mi.

2015-mi ingerlatseqatigiiffiup misissuinissamut suliaq 8,3 MCAD nalilik ingerlappaa imaralugu: 5.655 meterinik qillerinerit qillerlugu putuliani 30-ni agguataaqqasuni, 6.696 narlortumik kilometerinik qulimiguulimmik geofysikki; 61,7 narlortunik kilometerinik nunap qaavani EM geofysikki, nunarsuup noqitsinerata allanngoraneranik uuttortaanerit, nunami geologiskimik misissuinerit taavalu Worldview-3 satellitimik pisineq suliassap paasissutissartalik (takukkit Ilusiliaq 3 aamma 4).

2015-mi qillerinermi pingaarnerit makkuupput:

  • Spotty Hill peqarfik 80 meterinik ammut ingerlasumik ilaqqippoq, sulilu ingerlaqqissinnaalluni
  • Geofysiskimik Mikissoq takussutissiivoq suli ammut ingerlasoq
  • Nikkel-kanngussak-sulfid aatsitassannguunneq nutaaq P-059 misissuiffissami nassaarineqarpoq
  • Misissuiffissami Ni-Cu sulfid aatsitassannguunnerit arfinillit avissaaqqasut nassaarineqarput ukunani: P-013, P-030, P-032, P-053, P-058 aamma P-059 pingaarutilimmik 2015-mi qilleriffiusimasut

Ingerlatseqatigiiffik pingaarutilimmik inissisimalersimavoq Maniitsoq akuersissuteqarfimmi misissuinerani, Ni-Cu sulfid aatsitassannguunnerit pingaarutillit arlallit maannamut nassaarineqarsimagamik (Ilusiliaq 5). Tamanna sumiiffiup geologiskimik ilusaanut paasiuminarnerulerneranut aqqutissiuussisimavoq taamatuttaaq aatsitassannguunnerup pissusianut, geofysiskimillu ilisarnaatianut. Saniatigut NAN misissugassanut ujaarlernermut sakkussanik nutaanik ineriartortitsilluni, misissuiffimmut tamakkiisumik taavalu misissuiffiup ilaanut. Ingerlatseqatigiiffik 2016-mi annertuumik qillereqqinnissamik pilersaaruteqarpoq, taamatuttaaq Maniitsoq-akuersissuteqarfimmi aaqqissuussaasumik misissuinini nangeqqinniarlugut.

geologii & aatsitassannguunnerit

Maniitsoq-sumiiffik iluseqarpoq allanngorsimangaatsiarnikoq taavalu Arkæiske paragnejsit allanngornikut taamatuttaaq orthognejsit. Maannamut nikkel-kanngussak aatsitassannguunnerit annertuut nalunnginneqartut mafiskeniit ultramafiskenut intrusionini nassaarineqarnikuupput, taavalu tassani 15 x 75 kilometeriusumi Kalaallit Nunaata Noriteqarfianik(GNB) taaneqartartumi inissisimanerullutik (Ilusiliaq 5 takujuk). Taakkua intrusionit assigiinngiaartumik iluseqarput 8 kvadratkilometerinik angissuseqarsinnaallutik. Intrusionit makkuukkajuttarput leuco-norittit, pyroxenittit aammalu peridottit. Sulfid-aatsitassannguunerit makkunaniikkajuttarput: sulfidit ataasiakkaat siaruaqqasut, sulfidaggregatit annerit, mattunerulaartuniillu mattusuunut sulfid breccierit assigiinngitsunik ilusillit. Sulfideqarfiit annerit: Pyrrhotit, pentlandit, chalcopyrit aamma pyrit.

Aatsitassannguunneq Imiak Hill aamma Spotty Hill eqqaaniittoq metallurgiskemik misissuinerit SGS Canada Inc.-mit juni 2013-mi ingerlanneqarput februari 2015-milu misissuiffissap ilaaneersut (Ilusiliaq 6) QEMSCAN periaaseq atorlugu (aatsitassat annertussusia nalilersorlugu elektron mikroskopi atorlugu), røntgen diffraktion (XRD) aamma elektron mikro sonde atorlugu (EMPA; nalunaarusianut linkit ataani takukkit). Taakkua periaatsit modal mineralogijupput, mineralimik ilusia, nikkel, kanngussak aamma kobolt ilusai aamma fysiskemik ilusai avissaartinneranni/ataqatigiinneri/isikkui nikkel-, kanngussak- aamma jernsulfidit ataasiakkaarlugit misissornerini.

Misissueqqissaarnerit maannamut makkuninnga takutitsipput:

  • Aatsitassannguunneq makkuninnga akoqarpoq pyrrhotit, pentlandit, pyrit aamma chalcopyrit
  • Pentlanditi nikkelimik akoqarnersaasarpoq >90%-mik misissuiffisani assigiinngitsuni Imiak Hill aamma Spotty Hillimilu >95% akoqarluni
  • Kanngussat tamarmik chalcopyritini nassaarineqarput
  • Pentlanditimik katersisoqarsinnaaneranut periarfissaa >95%-mik misissukkani tamani takussutissaqarpoq

Nikkeli naliginnaasumik pentlanditimiittuuvoq siunissamilu suliassap aningaasaqarneranut iluaqutaatitsivoq, aatsitassannguunneq taamannak ilusilik pisarneq malillugu metallurgiskenik periaatsinik atuillutik nikkelimik katersiffigineqarsinnaaneranit annertuumik periarfissaqarmat.

Mineralogiskemik misissoqqissaakkani aatsitassannguunnerni tallimani ilisarnaatiat
Maniitsoq-suliaqarfimmi Kalaallit Nunaata kitaata kujataani (QEMSCAN Nalunaarut) Februar 2015

Mineralogiskemik misissoqqissaakkani aatsitassannguunnerni pingasuni ilisarnaatiat
Maniitsoq-suliaqarfimmi Kalaallit Nunaata kitaata kujataani (QEMSCAN Nalunaarut) juni 2013

inernerit

2015-mi qillerinerit Spotty Hill peqarfik 80 meterimik ammut ingerlasumik ilaqqippaat taavalu qillerinermi aqqusaakkat nikkel-kanngussammik akullit misissuiffinni ukunani arfinilinni nassaarineqarlutik: P-013, P-030, P-032, P-053, P-058 aamma P-059.

Maniitsumi aatsitassannguunneq makkua akorikkajuttarpai pyrrhotit, pentlandit aamma chalcopyrit. Siornatigut aatsitassannguunneq aatsillugu misissueqqissaarnerit takutippaat pentlandit nikkelimik akoqarnerpaasartoq >90% tungaanut, taamattooq takutikkaa nikkelimik katersinissaq annertuumik periarfissaqartoq akuersaakkamik naleqquttumik aatsitassanut suliarinnittariaatsimik atuinikkut.

Juli 2015-mi SRK Consuling (Canada) Inc. Toronto-miittoq, ON sapaatit akunneri pingasuni aaqqissuussaasumik lithologiskimillu sumiissusersiunit ingerlappaa, taamatuttaaq 2015-mi qillerilluni qaqitat misissuataarlugit. Taanna suliaq sumiiffiup geologiskimik sananeqaataanut paasinninnermik iluaqutaasimavoq aamma sedimentær bassini mafisk ultramafiskemut intruderernikumut Kalaallit Nunaata Noriteqarfiani (GNB) nassaarnermut kinguneqartitsisimalluni. Taakkua kinguneratigut metamorfinngorsimapput aamma poly-fase-mimk ilusai allanngorsimallutik. Taakkua pinngortitamit allanngornerit Thompson Nickel Belt-mi aamma takussaapput.

NAN-mi geologit 2015-mi norit intrusionit aatsitassannguunnerit arlaqartut sukumiisumik sumissusersiorpaat. Taanna paasissutissaq SRK-mit atorneqarpoq, qillerinermi paasissutissat ilanngullugit, noritit ilusaat allanngornikut taavalu aatsitassannguunnerit allat attuumassutillit 3-D ilusilersorniarlugit, qillerinissat inississornissaanut ikiortissatut atugassanngorniarlugit.

Maniitsoq aatsitassannguunneq akorivai sulfidit ataasiakkaartut, sulfidaggregatit annerit aamma sulfidit mattunerulaartuniit mattusuunut. Ilusaannik piffissap ingerlanerani allanngorarnerit sulfidinut sunniutaasimapput kingunerisimallugulu assigiinngitsunik iluseqalersimaneri. Sulfideqarfiit geofysiskemik paasissutissai EM sakkukitsunik takussaakkajunnerusarput. Tamanna nassuiarneqartarpoq, tamatiguunngikkaluartoq, magmatisk sulfidit nikinnerasigut kingunerisimagaa. 2015-mi qillerilluni aqqusaakkat EM-it ammut ingerlasutut nassuiarneqartut norit aatsitassannguunnerit.

EM geofysiskimik uuttueriaatsit takutippaat iluatsilluartuullutik nassaarinnittaramik akugilluartut, peqarfinnik sulfideqarluartunik, kisiannili pitsaavallaarnani peqarfiup ilusiata tamakkiisumik paasissutissaa, taavalu sulfidinik siammasittunik aamma sulfidaggregatinik ataqatigiissaanngitsunik peqarneranut arajutsisinnaalluni. 2016-mi ingerlatseqatigiiffiup pilersaarutigivaa uuttortaanerit misiliutit Induceret Polarisation (IP) atorlugu misiliutiginiarlugu, paasiniarlugu taanna periuseq pitsaanerunersoq aatsitassannguuffiup tamakkiisumik takutissinnaaneranut.

2015-mi silaannakkut misissuinerit VTEM GNB Maniitsoq-akuersissuteqarfik naammassipput. Juli naaneranit september qeqqata tungaanut DigitalGlobe of Longmont Colorado taavalu multi-spektral Worldview-3 satellit akuersissuteqarfik tamakkerlugu paasissutissanik katersipput. Ingerlatseqatigiiffiup misissuinermi paasissutissat allat aamma atorlugit nunap qaavani manngertorneqarfiit nassaarisinnaavaat taavalu akuersissuteqarfimmi sumiissusersiuineq annertuumik pitsanngorsarlugu.

2012, 2013, 2014 aamma 2015-mi qillerlugu putuliat inissisimaffii aamma misissueqqissaarnermi inernerit pingaarnerit, qillerinerni pilersaarutit ataani linkii takutinneqarput:

2015-mi Maniitsoq-akuersissuteqarfimmi qillerilluni aqqusaakkat pingaarnerit
Collar 2015-mi Maniitsoq-akuersissuteqarfimmi qillerinerit inissisimaffii
2014-mi Maniitsoq-akuersissuteqarfimmi qillerilluni aqqusaakkat pingaarnerit
Collar 2014-mi Maniitsoq-akuersissuteqarfimmi qillerinerit inissisimaffii
2013-mi Maniitsoq-akuersissuteqarfimmi qillerilluni aqqusaakkat pingaarnerit
Collar 2013-mi Maniitsoq-akuersissuteqarfimmi qillerinerit inissisimaffii
2012-mi Maniitsoq-akuersissuteqarfimmi qillerilluni aqqusaakkat pingaarnerit
Collar 2012-mi Maniitsoq-akuersissuteqarfimmi qillerinerit inissisimaffii

Pitsaassutsimut qulakkeerinninneq

Qillerinerit George Downing Estate Drilling Canadameersut qillerinerit ingerlappai Boyles JKS 300 diamantimik qillerut atorlugu. Qillikkat (41mm BTW) qeqqatigut tammaarsimaarfimmi qupineqartarput pilattuummik diamantitalimmik. Qillikkap affaa najoqqutassatut paariinnarneqartarpoq. Affaatalu sinnera misissoqqissaagassatut nassiunneqartarluni takissuserikkajuttarpaa 1,0-1,5 meteri imaluunniit annikinnermik, tammaarsimaarfimmi geologit tamanna aaliangertarpaat. Misissoqqissaagassanut piareersaasuusarput ALS Minerals misissueqqissaartarfianni Öjebyn Sverigemi. Misissoqqissaagassat silaannakkut ALS Minerals misissueqqissaartarfianut Loughreamut Irlandimiittumut nassiunneqartarput. Misissoqqissaagassat akoqanngitsut aamma misissoqqissaagassat akuerisaanikut naluneqanngitsumik nikkelsulfidinik akullit misissoqqissaagassanut tulleriissaartunut 20-kkaarlugit ilineqartarput. Ni, Cu aamma Co misissuinerit ingerlanneqartarput peroxidimik (brintoverilte) kinguneragullu ICP-AES (PGM-ICP23) misissueriaaseq atorlugu. Pt, Pd aamma Au-mut missueqqissaarnerit fire-essay (30 gram misissukkap oqimaassusia) ICP-AES naggataatigut (PGM-ICP23) atorneqartarpoq.

All technical information has been reviewed by Dr. Peter Lightfoot, Ph.D., P.Geo., who is the Qualified Person for the Company, Chief Geologist, North American Nickel Inc.

suliat/suliassallu

2015-mi ingerlatseqatigiiffik pilersaarusiorluakkamik aaqqissuussaasumik Maniitsoq-akuersissut misissornera ingerlappaa. Taamaaliornerup misissuinermi paasissutissat pioreersut annertuumik ilaqqillugit, geologiskimik sannaa aamma sulfid aatsitassannguunnerup pissusianut paasinarnerulertillugu taamatuttaaq geofysiskimik uuttortaanermut sakkut pitsanngorsarlugit aamma Ni-Cu sulfid aatsitassannguunnerit aqqusaarneri sumiiffinni assigiinngitsuni ingerlatiinnarsinnaallugit.

2016-mi NAN pilersaarusiorpoq qillerinissamut pilersaarummik nangeqqiisussamik ingerlatsiniarlutik aamma aaqqissuussaasumik pilersaarusiukkamik Maniitsoq-akuersissuteqarfimmi misissuinini nangeqqinniarlugu. NAN-ip misissuinerani ineriartornerata qitiulluinnartumik sunniuteqartuuvoq EM-geofysikkimik periaasertik misissuinermi allat periaatsit suleqatigiitsinnerasigut anguniarlugu norittit stratigrafi siaruartiteqqaneri aatsitassannguunnerillu allat sumiinneri.


  • Ilusiliaq 1: Maniitsoq-suliassaq

  • Maniitsoq Project Location
    Ilusiliaq 2: Manitsoq-suliassaq SV Kalaallit Nunaata assinga

  • Helicopter TDEM
    Ilusiliaq 3: 2015-mi qilleriffissat sumiiffiat.

  • Maniitsoq Diamond Drill
    Ilusiliaq 4: 2015-mi Maniitsumi geofysiskimik misissuiffissat sumiiffii

  • Maniitsoq Diamond Drill
    Ilusiliaq 5: Suliap geologiia, Ni-Cu-aatsitassannguunnerit aamma Kalaallit Nunaata Noriteqarfiup inissisimaffia.

  • Maniitsoq Diamond Drill
    Ilusiliaq 6: QEMSCAN-mik misissukkat sumiiffianik assiliaq.

604.770.4334 1.866.816.0118
C/o Bennett Jones LLP Attn: Sander Grieve 3400 - One First Canadian Place, P.O. Box 130,
Toronto, Ontario, M5X 1A4